Փաստ ինֆո

Բաքվում ՌԴ նախագահ Վլադիմիր Պուտինի հետ հանդիպման ժամանակ Ալիևի հայտարարությունը նախեւառաջ խանդի տեսարան պետք է առաջացնի Անկարայում։ «Փաստինֆո»-ի հետ զրույցում ասել է քաղաքագետ Սուրեն Սուրենյանցը։

Ինչպես արդեն հայտնել ենք՝ Ալիեւը Պուտինի հետ հանդիպման ժամանակ հայտարարել է, թե Հարավկովկասյան ամբողջ տարածաշրջանի կայունությունը կախված է Ադրբեջանի և Ռուսաստանի հարաբերություններից։

Սուրենյանցը հիշեցրեց, որ 44- օրյա պատերազմից հետո առաջացած իրողությունները նկատի ունենալով ասվում էր, որ Հարավկովկասյան անվտանգության ճարտարապետությունը հիմնված է լինելու Ռուս- թուրքական հարաբերությունների վրա ու հիմա, փաստորեն, Ալիևը բաց տեքստով առաջարկում է Պուտինին՝ Թուքիայի փոխարեն իր հետ ստեղծել անվտանգային տարածշրջանային համակարգ։ Նրա արձանագրմամբ՝ նմանատիպ հայտարարություն երկրորդ անգամ է հնչեցնում Ալիևը, սակայն, ուշագրավ է, որ այս անգամ դա հնչեցվեց այս անգամ Պուտինի ներկայությամբ։

«Ինչ վերաբերում է մեզ, ապա, ցավոք, պատերազմից հետո ու նաև Փաշինյանի հետպատերազմյան արկածախնդիր քաղաքականության պատճառով, միջազգային հարաբերությունների սուբյեկտից վերածվել ենք օբյեկտի և մեր հարցերը առանց մեր մասնակցության են քննարկում»,- ասաց Սուրենյանցը։ Նա ուշադրություն հրավիրեց այն փաստի վրա, որ ՌԴ նախագահ Վլադիմիր Պուտինը նաև մեսիջ հնչեցրեց, որ Փաշինյանին կփոխանցի, թե ինչ են խոսել իրենք Բաքվում։

«Դա մեսիջ էր, որ, չնայած ՌԴ-ն շատ վատ, խառը վիճակում է, լուրջ ճգնաժամային վիճակում է, միեւնույն է, չի հրաժարվելու Հարավային Կովկասում իր հավակնություններից»,- կարծում է քաղաքագետը։

Ակնհայտորեն, ըստ Սուրենյանցի, Պուտինն Ալիևի հետ ինչ-որ բան է պայմանավորվել, որը պետք է խոսի Փաշինյանի հետ։ «Շատ անկեղծ լինենք, որ Ադրբեջանին այսօր ձեռնտու չէ, որ բանակցությունները տեղափոխվեն որևէ հարթակ՝ անկախ նրանցից դա ռուսական հարթակ է, թե արևմտյան։ Նա հիմա իր համար իդիալական, առանց միջնորդների բանակցությունների հարթակում է, բայց, այնուամենայնիվ , նա վստահաբար ռեալ քաղքականությունից ավելի լավ է հասկանում, քան Փաշինյանը, նա չի ցանկանում նեղացնել ՌԴ-ին։ Ընդհակառակը՝ ռուսական միջնորդությունը կընդունի այն հաշվարկով, որ, միևնույն է, այն մերժվելու է Երևանում։ Նա դրանով հերթական ծուղակն է պատրաստում Երևանի համար, ես չգիտեմ խաշլամայի կամ անճաշակ ոտանավորների սիրահար Փաշինյանն այս ծուղակի հետևանքը հասկանո՞ւմ է , թե ոչ։ Պուտինը շատ հստակ է ասում, որ որպես միջնորդ վերադառնալու նպատակ ունի», - ասաց քաղաքագետը՝ ավելացնելով, որ ավելի գլոբալ հարցեր էլ կան։ Մասնավորապես՝ խոսել են նաեւ հյուսիս –հարավի, նավթային ռեսուսները միասին շահագործելու մասին։

Ադրբեջանն իր ռազմավարական նշանակությունը, Սուրենյանցի գնահատմամբ, մի քանի անգամ մեծացրել է աշխարհաքաղաքական բոլոր կենտորնների, այդ թվում՝ Մոսկվայի համար, ցավոք սիտի, դա մեզ համար բարենպաստ չի լինելու, բայց պետք է կարողանանք մինիմալ ռիսկերով տարբերակն ընտրել։

Աղբյուր` Փաստինֆո