Փաստ ինֆո

Մայրաքաղաքում կառուցապատում ծրագրերը մշակվում, շինթույլտվությունները տրվում են՝ առանց հաշվի առնելու ենթակառուցվածքների հնարավորությունները, օրինակ՝ արդյո՞ք ՀԷՑ-ի հզորությունն այդ պահին պատրաստ է ապահովելու հոսանքով, թե ոչ։

«Երևան քաղաքում այս պահին մի Գյումրի, մի Վանաձոր, մի Աբովյան քաղաք է կառուցվում, նկատի ունեմ այդ քաղաքների մեծությունը»,- «Փաստինֆո»-ի հարցմանն ի պատասխան ասել է «ՀԷՑ» ընկերության տեխնիկական տնօրեն Դավիթ Գրիգորյանը՝ ավելացնելով. «բնակչության թվի աճի մասին ասել չեմ կարող, բայց կարող եմ ասել, թե մեր պատվերների թվգրը որքան են ավելացել և Դուք կապշեք։

Նրա փոխանցմամբ՝ եթե 2017 թվականին ունեին տարեկան 4500 պատվեր, ապա անցյալ տարի այդ թիվը հասել է 16.000-17.000-ի։

«Փաստինֆո»-ն հետաքրքրվել էր, թե արդյոք կառուցապատման ծրագրերը մշակելիս նախապես քննարկվում են ՀԷՑ-ի հետ՝ պարզելու, թե կոնկրետ այդ տարածքում ինչ հնարավորություններ կան՝ էներգոհամակարգը կաթվածահար չանելու համար, որպեսզի նոր կառուցապատման հետեւանքով չտուժեն առկա բաժանորդները։

«Այնպես չէ, որ միշտ մեզ հետ խորհրդակցել են, բայց հարցում անում են»,- ասել է Դ. Գրիգորյանը՝ մանրամասնելով, որ նախագծային փուլում հարցում անում են, որպեսզի կարծիք հայտնեն, թե արդյոք հնարավորություն ունեն նոր կառուցվող թաղամասը հոսանքով ապահովելու, թե ոչ ։

«Մենք տալիս ենք մեր բացասական կարծիքը, ասում ենք, որ չենք կարող ապահովել, հզորությունը չի բավականացնի։ Երբեմն ոչ թե մերժում ենք, այլ եզրակացություն ենք տալիս, որ նման հնարավորություն կարող է ստեղծվել միայն 2-3 տարի հետո։ Մեր կողմից ասվում է, բայց թե որքանով է դա հաշվի առնվում արդեն չեմ կարող մեկնաբանել»,- ասաց ՀԷՑ-ի տնեխնիկական տնօրենը՝ ընդգծելով, որ պատվերների թիվը 4 անգամ ավելացել է, նոր թաղամասեր են կառուցվում, տրվում են շինթույտվություններ՝ առանց հաշվի առնելու կա՞ արդյոք հզորություն այդքանին հոսանքով ապահովելու, թե ոչ։

«Լենինգրադյան փողոցում սարքում են հիմա ու արդեն խնդիր ունենք»,- ասել է Դ. Գրիգորյանը։

Նրա փոխանցմամբ՝ Հյուսիսային պողոտան կառուցելիս եւս խնդիր էր առաջացել ու միայն 2-3 տարվա ընթացքում կարողացան դիֆիցիտը փակել։ «Շատ դժվարո․ւթյուններ կային, որովհետեւ Արամի փողոցում, Բուզանդում, մի քանի այլ փողոցներում կառուցվել էին հսկայական բազմաբնակարաններ՝ առանց հաշվի առնելու էլեկտրոցանցը այդ հզորությունն ունի, թե ոչ ։ Բավականին ներդրումային ծարգիր ենք իրականացրել, որպեսզի կարողանանք ապահովել անհրաժեշտ մատակարարումը։ Ծիծեռնակաբերդում ենթակայան ունենք, հզորությունը այդտեղից տեղափոխել ենք և ապահովել»,- մանրամասնեց պարոն Գրիգորյանը։

Նրա արձանագրմամբ, միայն բաշխիչ ցանցերի հարցը չէ միայն, Երևանը Թամանյանի նախագծով նախատեսված է եղել մի քանի հարյուր հազար մարդու համար։ «Իսկ հիմա որքա՞ն մարդ է ապրում և որ ասենք մեծ փոփոխություններ են եղել, մեծ հզորություններ են ավելացել՝ ոչ, չի ավելացել, մեր ունեցած ռեզերվների, մեր ունեցած հնարավորություններով՝ ապահովում ենք։Հիմնականում մոտ 70 տոկոս բազմաբնակարան շենքերի պարագայում նոր ենթակայան կառուցելու խնդիր է առաջանում, - ասաց Գրիգորյանը։

Աղբյուր` Փաստինֆո