Փաստ ինֆո

Բժիշկ-ուրոլոգ, բժշկական գիտությունների դոկտոր, պրոֆեսոր Սերգեյ Պուլբերեն նշել է ցիստիտի կանխարգելման ամենաարդյունավետ ըմպելիքը և պատմել այդ տհաճ հիվանդության ճիշտ բուժման մասին: Նրա առաջարկությունները մեջբերում է aif.ru պարբերականը։

Ցիստիտի կանխարգելման համար Պուլբերեն խորհուրդ է տվել խմել տնական լոռամրգի հյութ։ Նրա խոսքով՝ այս հատապտուղը պարունակում է կպչուն թելերը քայքայող նյութեր, որոնցով աղիքային ցուպիկը՝ այս հիվանդության հարուցիչը, կցվում է միզուղիների էպիթելիին ։

Բժիշկը նշել է, որ լոռամիրգը լայնորեն կիրառվում է կանխարգելման համար և որպես ցիստիտի համալիր բուժման մաս։ «Այս հատապտուղի էքստրակտով պատրաստուկներն ունեն միզամուղ ազդեցություն, պարունակում են վիտամին C, ինչը նույնպես բուժիչ ազդեցություն է հաղորդում միզուղիների ինֆեկցիաների դեպքում։ Թերապիան կարող է ներառել նաև դեղամիջոցներ, որոնք մեծացնում են արյան շրջանառությունը և բարելավում միկրոշրջանառությունը», — բացատրել է նա:

Միևնույն ժամանակ, ուրոլոգը շեշտել է, որ ցիստիտի բուժումը միայն բուսական միջոցներով խորհուրդ չի տրվում, քանի որ այն հաճախ հանգեցնում է կամ բարդությունների, կամ հիվանդության հաճախակի կրկնությունների: Այնուամենայնիվ, միայն բժիշկը պետք է ընտրի համապատասխան թերապիա՝ կախված հիվանդության էթիոլոգիայից: Այսպես, վիրուսային ցիստիտի դեպքում հակաբիոտիկներ պետք չեն, իսկ բակտերիալ ծագման վարակի դեպքում առանց դրանց հնարավոր չէ, հավելել է Պուլբերեն։

Աղբյուր` Փաստինֆո