Փաստ ինֆո

Անձնագրային բաժանմունքը Չաներենցավան վերադարձնելու համար պայքարող նախաձեռնող խմբի անդամներն այսօր եղել են են Նոր Հաճնում։ Նախաձեռնող խմբի անդամ Գևորգ Հակոբյանը «Փաստինֆոյի» հետ զրույցում պատմեց, որ այստեղ ևս նույնիրավիճակն է, ինչ Հրազդանի բաժանմունքում։

«Հիմա Նոր հաճնում սպասարկվում են Եղվարդի, Նոր Հաճն, Բյուրեղավանի բնակիչները։ Բյուրեղավանի անձնագրայինը փակելուց հետո՝ անձնագրայինը պետք է տեղափոխվեղ Եղվարդ, սակայն Եղվարդում վերանորոգման աշխատանքներ են ընթանում, ու անձնագրայինը ժամանակավորապես տեղակայված է Նոր Հաճնում։ Այստեղ Հրազդային համեմատ ավելի քիչ են հերթերը, բայց առավոտից արդեն 60-70 հոգի մարդ էր հավաքված»։

Հակոբյանը կարծում է, որ այստեղ էլ է գործում նույն կոռուպցիոն սխաման, որն առկա է Հրազդանում։ «Ոչ էլեկտրոնային համակարգ է գործում, ոչ էլ կտրոնային։ Սովորական թղթի կտորի վրա գրում են մարդկանց անունները, այդ թուղթը փոխանցվում է անձնագրայինի պետին, նա էլ այդ թղթից ում անունն ուզում՝ կարդում է։ Առավոտյան, երբ էնտեղ էինք արդեն 180-200 մարդու անուն էր գրված թղթի վրա, այնինչ տեղում 70-ի մոտ մարդ կար հավաքված։

Ընդ որում, եթե Հրազդանում մարդիկ ինքնակազմակերպվում էին, այստեղ ոստիկաններ են էին թղթի վրա անունները գրանցում։ Բացառված չէ, որ թղթին գրում են իրենց անհրաժեշտ մարդկանց անունները, հետո թուղթը տալի են անձնագրայինի պետին, պետն էլ ում ուզում՝ կանչում է։ Այսինյքն, իրենց ուզած մարդկանց կարող են կանչել՝ մեկ օրում անձնագիրը տան՝ գնա, մյուսները մնում են հերթի մեջ սպասելով։

Այս հարցը մենք բարձրացրել էինք ՆԳՆ-ում հանդիպման ժամանակ, ասացին՝ լուծում կտան, մինչև հիմա լուծում են»։

Աղբյուր` Փաստինֆո