Փաստ ինֆո

Արցախի ժողովրդի հավաքական վերադարձի իրավունքը միջազգային պաշտպանության և երաշխիքների ներքո պետք է դրվի բանակցային օրակարգում։ Այս մասին հայտարարել է ՀՀ արտաքին գործերի նախկին նախարար Վարդան Օսկանյանը:

Նա նշել է, որ միջազգային կառույցներում իրենց հանդիպումներից եզրակացությունն այն է, որ եթե Հայաստանի իշխանությունների կողմից Արցախի ժողովրդի հավաքական վերադարձի իրավունքը բերվի բանակցային օրակարգ՝ այնտեղ կլինի միջազգային հանրության աջակցությունը:

«Տոյվո Կլաարը խոսում է ԵՄ-ի անունից և ասում է նույնը, ասվում է, որ Ադրբեջանը պարտավորություն ունի այս հարցին անդրադառնալու և այս հարցը պետք է լինի օրակարգային հարց։ Նա նաև ասում է, որ այն, որ Ադրբեջանը կարող է Արցախցիների վերադարձի դիմաց ադրբեջ)անցիների՝ Հայաստան գալու վերադարձնալու խնդիր դնի՝ այդ երկուսը իրար հետ բացարձակ կապ չունեն ու դա նույն հարթության վրա չեն կարող քննարկվել։ Արցախահայության վերադարձի իրավունքը այսօրվա կարևորագույն, հրատապ խնդիրներց մեկն է»,- ասել է Օսկանյանը:

ՀՀ ԱԳ նախկին նախարարի խոսքով` Կլաարը նաև արձանագրել է, որ Արցախի հարցը լուծված չէ։ «Հստակ դիրքորոշում կա կարևոր մարդկանց կողմից, որ եթե Ադրբեջանին թվում է, որ Ադրբեջանը այս հարցը ռազմական ճանապարհով լուծել է՝ նրանք չարաչար սխալվում են։ Արցախի հարցը լուծված չէ այնքան ժամանակ, քանի դեռ արցախահայությունը իրավունքները միջազգային երաշխիքներով վերականգնված չեն, քանի դեռ նրանց՝ իրենց տները վերադառնալու հարցը չի լուծվել։ Մնում է այս հարցը բերել օրակարգ»։

Նա ընդգծել է, որ սա ՀՀ իշխանությունների պատասխանատվության խնդիրն է։

«Եկեք թույլ չտանք, որ սխալները նրանք շարունակեն»,- հավելել է Օսկանյանը:

Աղբյուր` Փաստինֆո