ԲՈԼՈՐ ՆՅՈՒԹԵՐԸ
Արմեն Տեր-Սահակյանի գործը կամ կվերաբացվի, կամ դիմում կներկայացվի ՄԻԵԴ. որդին մանրամասներ է հայտնում 08/03/2024 20:08 | ԼՐԱՀՈՍ
Ցմահ դատապարտյալ Արմեն Տեր-Սահակյանը պատրաստվում է ՄԻԵԴ-ում գործընթաց սկսել: Այս մասին «Փաստինֆո»-ի հետ զրույցում ասաց նրա որդին` Աբգար Տեր-Սահակյանը:
Հիշեցնենք, որ շուրջ 32 տարի առաջ հենց Աշտարակի շրջխորհրդի գործկոմի նախագահ Հովհաննես Սուքիասյանի սպանությամբ էլ դրվեց Հայաստանում քաղաքական սպանությունների հիմքը։
Մասնավորապես՝ 1992թ. սեպտեմբերի 18-ին հայտնի դարձավ Երևան-Լենինական մայրուղու, Աշտարակից Ագարակ տանող ճանապարհահատվածում սպանվել է Հովհաննես Սուքիասյանը։ Չարագործները՝ վաղ առավոտյան մեկնել էին Աշտարակ, շրջխորհրդի գործկոմի շենքի մոտ դարանակալել ու սպասել Հովհաննես Սուքիասյանին, իսկ երբ նա դուրս է եկել գործկոմի շենքից և նստել իր ծառայական «ԳԱԶ-24» մակնիշի 8450 ԱԴՎ պետհամարանիշի ավտոմեքենան, շարժվել են նրա հետևից և ժամը 16-ի սահմաններում Երևան-Լենինական մայրուղու, Աշտարակից Ագարակ տանող ճանապարհահատվածում վազանցելով Հովհաննես Սուքիասյանի ծառայական ավտոմեքենան՝ երկու ինքնաձիգ հրազենից դիմահար կրակահերթերով ավտոմեքենայի միջից գնդակոծել են նրանց, որի հետևանքով Հովհաննես Սուքիասյանը և վարորդ Վարուժան Աբրահամյանը ստացած բազմաթիվ հրազենային մարմնական վնասվածքներից տեղում մահացել են:
Քննությամբ հիմնավորվել ու օրինական ուժի մեջ մտած դատական ակտով ապացուցվել է, որ սպանությունն իրականացվել է Տեր-Սահակյանի բանդայի անդամների կողմից, որի հանձնարարությունն ստացվել էր 1992թ. օգոստոսի կեսերին՝ Վանո Սիրադեղյանից։ Ստացած առաջադրանքի մասին Արմեն Տեր-Սահակյանը նույն օրը հայտնել է ՀՀՇ վարչության շենքի իրենց հատկացված առանձնասենյակում հավաքված բանդայի անդամներին և նրանց միջև կատարել դերաբաշխում, իսկ որպես սպանության գործիք օգտագործելու համար տրամադրել է Վանո Սիրադեղյանի կողմից իրեն տրված ինքնաձիգն ու ռուսական զորամասից հափշտակված մյուս ինքնաձիգ հրազենը:
Հաստատվել է բանդայի կողմից իրականացված առնվազն 5 անձի՝ Հովհաննես Սուքիասյանի, նրա վարորդի՝ Վարուժան Աբրահամյանի, Հայաստանի երկաթգծի վարչության պետ Համբարձում Ղանդիլյան, նրա վարորդի և ուղևորի սպանությունը, ՀՀ դատախազության քննչական վարչության պետ Վլադիմիր Գրիգորյանի և նրա վարորդի սպանության փորձը, ինչպես նաև՝ ավազակային հարձակման մի շարք դրվագներ։
Արմեն Տեր-Սահակյանն այս ընթացքում մի քանի անգամ դիմել է դատարան` պայմանական վաղաժամկետ ազատ արձակման հարց բարձրացնելով, որոնք մերժվել են, 2023թ. դեկտեմբեր ամսին` հրաժարվել է վաղաժամկետ ազատ արձակման դիմումից, տուժող կողմի պնդմամբ` հանրային ճնշման արդյունքում: Ավելին, բանդայի կողմից սպանված Հովհաննես Սուքիասյանի որդին` Թադևոս Սուքիասյանը, երեկ հրավիրված ասուլիսում ահազանգել էր` Տեր-Սահակյանի կողմից կրկին վաղաժամկետ ազատ արձակման հարց բարձրացնելու մասին, միևնույն ժամանակ, Սուքիասյանն անդրադարձել էր Տեր-Սահակյանի` օրերս տված հարցազրույցին, որում վերջինս պնդել էր, թե ինքը տուժող չունի, իսկ սպանությունների մասին խոսելով` ասել էր, թե լիկվիդացրել է թշնամուն, իսկ Սուքիասյանը` «սփյուռքի փողերով» պահում էր, որ պատերազմում պարտվեն. Լևոն Տեր-Պետրոսյանը հրաժարական տա, գան իշխանության և որ ինքը զղջում է միայն այն բանի համար, որ գործերը բացահայտվել են: Տեր-Սահակյանի այս հայտարարություններին արձագանքել է տուժող կողմը` Հովհաննես Սուքիասյանի որդին` ներկայացնելով հակափաստարկները, ինչպես նաև` գործով ցուցմունքները, այդ թվում` Տեր-Սահակյանի:
Արմեն Տեր-Սահակյանի որդին` Աբգար Տեր-Սահակյանը, սակայն, պնդում է, թե այժմ պայմանական վաղաժամկետ ազատ արձակման հարցը հետին պլանում է, երկու անգամ հրաժարվել են դիմումից:
«Մենք մեր հոր գործով զբաղվում ենք: Կամ նոր ի հայտ եկած հանգամանքներով կդիմենք դատարան` գործերի վերաբացման համար, կամ ՄԻԵԴ ենք գնալու, որովհետև այդ հոդվածներով չէր հասնում ցմահ կամ մահապատիժ: Մասնավորապես, հայրիկիս, որ մահապատիժ են նշանակել, ապա` ցմահ ազատազրկում, իր հոդվածներով չէր կարող նշանակվել նման պատիժ, առավելագույնը` 15 տարի ազատազրկում: Այդ մասով դիմելու ենք ՄԻԵԴ»,- ասաց Տեր-Սահակյանը` նշելով, որ ծիծաղելի են Թադևոս Սուքիասյանի այն պնդումները, թե իր հայրը հրաժարվել է պայմանական վաղաժամկետ արձակվելու դիմումից` տեսնելով դատարանի բակում հավաքված անձանց:
«Իրենք շատ փոքր մարդիկ են, ծիծաղելի է, որ ինքն իր մեջ փքվել է ու կարծում է, թե իրենց գործոնով պայմանավորված է հայրիկս հրաժարվել դիմումից: Իր գործոնը չի կարող ազդեցություն ունենալ ոչ իմ, ոչ էլ հորս վրա: Մեզ ոչ հետաքրքրում է այդ գազելի շոֆեռները, ոչ` ուազ-ի շոֆեռները… Եթե մենք պետք է այդ շոֆեռներին տեսնելով չգնայինք վաղաժամկետ ազատ արձակման, ապա ոչ իմ, ոչ հորս կյանքն արժեք չունի: Մենք լսում ենք մեր փաստաբաններին, որովհետև լուրջ գործընթաց է գնում: Ինքն (Թադևոս Սուքիասյանը -խմբ.) է ընտրել այսպես` հանրային խոսքի տարբերակը` լրագրողներով…Օգտագործվածն էլ է ինքը… Այն, ինչ ինքն ասել է, դրա կրկնապատիկն է…: Ինքն իրենից ինչ է ներկայացնում, որ թեկնածություն է դրել, քանի ձայն է հավաքել, հսկայական Կոշ գյուղում 80 ձայն է հավաքել»:
Անդրադառնալով գործով 26 տուժողներին` Տեր-Սահակյանը նշեց` ինչու է այդքան տուժողներից միայն ինքը` Սուքիասյանը խոսում:
Տեր-Սահակյանը նաև հերքեց, թե տուժող կողմը ծանուցումներ չի ստացել` վաղաժամկետ ազատ արձակման դիմումի քննության հարցով, նշում է` նախկինում Արտուշ Գաբրիելյանի վարույթում նիստերը հետաձգվում էր, քանի որ ծանուցված լինելով` տուժողները չէին ներկայանում դատարան:
Ինչ վերաբերում է զղջմանը, Արմեն Տեր-Սահակյանի որդին կրկնեց հոր խոսքերը` «Սպանություն չէ, լիկվիդացիա է: Լիկվիդացվել է անձ, ինչից հետո պատերազմում հաղթել ենք»:
Հ.Գ.Ասել է, թե՝ Արմեն Տեր-Սահակյանն ընդունում է, որ հայ պաշտոնյա են «լիկվիդացրել» քաղաքական շարժառիթներով, սակայն զղջման խոսքեր ցայսօր չի հնչեցրել, ինչով էլ պայմանավորված, ըստ տուժող կողմի, զրկվում է պայմանական վաղաժվամկետ ազատվելու հնարավորությունից։
Հեղինակ՝ Իզաբել Սահակյան
Հարակից հրապարակումներ`
Տեսանյութեր
09/24/2024 19:29 Սալաֆիական ահաբեկիչները մարտեր են մղում Ադրբեջանի անտառներում. «Բաց մի՛ թողեք»Տեսադարան
09/02/2024 10:55 Սեպտեմբերի 2-ը Արցախի Հանրապետության հռչակման օրն էՄամուլ
- 10/01/2024 08:34 Ում ասես՝ կարող են դեկան ու ամբիոնի վարիչ դարձնել․ «Հրապարակ»
- 10/01/2024 08:30 Արմեն Խաչատրյանի որդին անգամ կայքում է արտոնյալ. «Ժողովուրդ»
- 10/01/2024 08:27 «Եվրաքվեին» թույլատրել են ստորագրություններ հավաքել հանգստյան օրերին․«Հրապարակ»
- 10/01/2024 08:24 877 հազար դոլար` «Երեւան կլասիկ ֆեստ»-ին. Երեւանի կանաչապատման վրա ավելի քիչ գումար է ծախսվել, քան փառատոնի վրա. «Ժողովուրդ»
- 10/01/2024 08:21 Գրիգոր Մինասյանի դեմ ստորագրություններն արդեն Նիկոլ Փաշինյանի սեղանին են․«Հրապարակ»
- 10/01/2024 08:18 Պետական կառույցները միմյանց վրա են գցում հարցը. դատարանի որոշումը չի կայացվում. «Ժողովուրդ»
- 10/01/2024 08:14 Սամվել Բաբայանին իշխանությունը նորից խաղի մեջ է մտցրել․«Հրապարակ»
ՓԱՍՏԱԹՂԹԵՐ
- 09/27/2024 20:29 Միջպետական սահմանների՝ աշխարհագրական առումով ճշգրտման հարցերը գործադիր իշխանության իրավասության տիրույթում են. հրապարակվել է ՍԴ որոշումը
- 09/02/2024 15:38 Հրատապ. Հրապարակվել է Հայաստանի և Ադրբեջանի միջև պետական սահմանի սահմանազատման և սահմանային անվտանգության հարցերով հանձնաժողովների համատեղ գործունեության մասին կանոնակարգը
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
Հարցազրույց
- 09/19/2024 20:39 Եթե Փաշինյանը կարողանար, դեռ 2018-ի մայիսի 3-ին դուրս կգար ՀԱՊԿ-ից, բայց Հայստանն իր սեփական հողամասը չի, որ ինչ ուզենա, երբ ուզենա՝ ցանի. Ձյունիկ Աղաջանյան
- 09/18/2024 11:30 Զրույց Բագրատ Սրբազանի հետ. Վահե Հովհաննիսյան
- 09/16/2024 13:35 Նախկինում Սրբազան աշխատած մարդու հետ պաշտոնական հանդիպում ՔՊ-ի օրակարգում չկա. Էմմա Պալյան
- 08/30/2024 20:13 Նորակառույցները զավթում են երթևեկելի գոտին ու հետիոտնի անցման տարածքը, իսկ քաղաքապետարանից դժվարանում են ասել, թե դեռ որքան են ընդլայնելու Երեւանի սահմանները
Մեկնաբանություն
- 10/01/2024 13:58 Ադրբեջանցիների 85%-ից ավելին կողմ են «Արևմտյան Ադրբեջանի վտարանդի կառավարություն» ստեղծելուն․ խաղաղությունն ակնհայտ է
- 10/01/2024 13:24 Կարեն Անդրեասյանը որևէ մտադրություն չունի հրաժարական ներկայացնելու․ ԲԴԽ խոսնակ
- 10/01/2024 13:21 Հասկանանք էս մարդիկ հանցագործ են, թե անգրագետ․ փաստաբանը՝ ՍԴ որոշման մասին
- 09/30/2024 15:27 Եկեղեցին ու քաղաքականությունը 18-րդ դարից տարբեր ճանապարհներով են ընթանում. Դանիելյան
Արխիվ
Արտակարգ պատահարներ
- 10/01/2024 15:08 Գորշ արջը վրաերթի է ենթարկվել․ FPWC-ն հաջողությամբ իրականացրել է վիրավոր արջի փրկարարական գործողություն
- 10/01/2024 11:29 Երևանի թիվ 19 դպրոցում աշակերտներից մեկը գազի նմանվող նյութ է փչել, ինչն աշակերտների շրջանում հազ է առաջացրել
- 10/01/2024 10:46 Պատահար Զովունի գյուղի հուշարձանի մոտ. մեկ մարդ տեղափոխվել է հիվանդանոց
- 10/01/2024 10:16 Ավտոմեքենայում ընթացքի ժամանակ հրդեհ է բռնկվել, այն բախվել լուսացույցի է սյանը. վարորդի վիճածը ծանր է
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 10/01/2024 13:49 78 տարեկան հասակում մահացել է կոմպոզիտոր, երգիչ, Ռուսաստանի ժողովրդական արտիստ Վյաչեսլավ Դոբրինինը
- 09/30/2024 21:55 Ղրղզստանից ներգաղթյալը հանդիպման է հրավիրել ռուս աշակերտուհուն եւ փորձել բռնաբարել նրան
- 09/30/2024 17:48 Կատուն վիճակախաղի շահած տոմս է բերել տուն
- 09/30/2024 17:14 Հոգեբանն ասել է՝ ինչպես ամուր պահել ամուսնությունը
Հետաքրքիր է իմանալ
- 09/24/2024 15:52 Կորած շունը հայտնաբերվել է շնորհիվ խորոված նրբերշիկների
- 09/20/2024 18:04 Ուղեղն ուտող որդեր. ԱՄՆ-ում մակաբուծային հիվանդություն է հայտնաբերվել բնակիչների մոտ
- 09/20/2024 15:49 Երկրին աստերոիդ է մոտենում
- 09/18/2024 18:11 Կայծակի հարվածից հետո 40 րոպե սրտի կանգ ունեցած տղամարդը փրկվել է ու ամբողջությամբ ապաքինվել