Փաստ ինֆո

Եվրոպական խորհրդի նախագահ Շառլ Միշելը վերսկսում է Հայաստանի և Ադրբեջանի միջև խաղաղություն հաստատելունն ուղղված ջանքերը, քանի որ տարածաշրջանում լարվածությունը մեծանում է, այս մասին ասվում է Politico-ում հրապարակված հոդվածում:

Նշվում է, որ երկու բարձրաստիճան դիվանագետներ հաստատել են, որ այս ամսվա սկզբին՝ Մեծ Բրիտանիայում Եվրոպական քաղաքական համայնքի գագաթնաժողովի շրջանակում, Միշելը երկկողմ հանդիպումներ է ունեցել Հայաստանի և Ադրբեջանի ղեկավարների հետ։

«Բացի այդ, Միշելը նաև նամակ է գրել երկու կողմերին՝ կոչ անելով վերադառնալ բանակցությունների սեղանի շուրջ և «ավարտել խաղաղության համաձայնագիրը»՝ առաջընթաց գրանցելու չլուծված հարցերի շուրջ, ինչպիսին է սահմանների սահմանազատումը»,- գրել է պարբերականը:

Politico-ն գրում է, որ Բրյուսելում հիասթափությունն աճում է, որ այդքան երկար սպասված համաձայնությունն այդպես էլ իրականություն չդարձավ. hակառակ Միշելի հետ հանդիպումներին` Հայաստանի վարչապետ Նիկոլ Փաշինյանը և Ադրբեջանի նախագահ Իլհամ Ալիևը միմյանց հետ բանակցությունների սեղանի շուրջ նստելու հնարավորություն չգտան։

Միշելին մոտ կանգնած ԵՄ բարձրաստիճան դիվանագետը ասել է, որ «վերջիվերջո, երկու կողմերն էլ պետք է դադարեն խաղեր խաղալ և կնքեն համաձայնագիրը, քանի որ նախագահ Միշելը հնարավոր ամեն ինչ արել է ԵՄ-ի ուժերի սահմաններում խաղաղության համաձայնագրի հասնելու համար»։

Աղբյուր` Փաստինֆո