Փաստ ինֆո

Մեծ Բրիտանիայում շունը 65-ամյա տիրոջ քաղցկեղային ուռուցքն ավելի շուտ է զգացել, քան նա հիվանդության մասին իմացել է բժիշկներից: Այս մասին գրում է Daily Mail-ը:

2016-ին Մարկ Ալենը սկսել է նկատել, որ իր շունը՝ Ջեսին, իրեն տարօրինակ է պահում. սովորականից շատ քնքշություն էր ցուցաբերում։ Տղամարդը միայն մեկ տարի անց հասկացել է, թե ինչ է կատարվում: Այդ ժամանակ նա ելույթ էր ունենում բեմում և հանկարծ իրեն շատ վատ էր զգացել։ Ալենը դժվարանում էր շնչել և աջ քթանցքում նկատել էր մեկ պոլիպ: Նա դիմել է քիթ-կոկորդ բժշկին և միայն ընդունելության ժամանակ հիշել, որ շները կարող են զգալ քաղցկեղի և սրտի հիվանդություններ:

Ալենի խոսքով՝ երբ իրեն հասան պոլիպի հյուսվածաբանական հետազոտության արդյունքները, Նա արդեն գիտեր, որ քաղցկեղ ունի: Նրա մտահոգությունները հաստատվեցին: Քաղցկեղի բջիջները տարածվել էին տղամարդու դեմքի կեսի վրա, ուստի նա ստիպված է եղել տասը ժամ տեւողությամբ բարդ վիրահատություն կատարել։ Ալենի այտոսկրը փոխարինել են կոնքի ոսկորի բեկորով, տիտանի թիթեղներ տեղադրել ծնոտի մեջ և վերականգնել նրա քիմքն ու կոկորդը որովայնի հյուսվածքների օգնությամբ։ Նրա մոտ նաև հեռացրել են աչքի խոռոչը, ավշային հանգույցները և թքագեղձերը աջ կողմում՝ քաղցկեղի տարածումը դադարեցնելու համար:

Ալենը պնդում է, որ եթե նա վիրահատություն չաներ, նրան ապրելու մի քանի շաբաթ էր մնացել։ Վերականգնման ընթացքում տղամարդը կորցրել է 22 կիլոգրամ, ճաղատացել և կորցրել համի զգացումը: Նա նշել է, որ հենց Ջեսսին է իրեն դրդել դիմել բժշկի եւ ստուգել պոլիպը։

Աղբյուր` Փաստինֆո