Փաստ ինֆո

Ցարենցավանցիները այս շաբաթ էլ շարունակելու են իրենց պայքարը քաղաքի անձնագրային բաժանմունքը Հրազդան տեղափոխելու որոշման դեմ։

Ցարենցավանի բնակիչ Գագիկ Գաբրիելյանը «Փաստինֆո»-ի հետ զրույցում ասաց, որ այսօր Չարենցավանի քաղաքապետարան մուտք են արել դիմում՝ օգոստոսի 5-6-ը Չերանցավանի ճանապարհին նստացույց անելու համար։

«Տեղեկություն ունենք, որ այդ օրը Փաշինյանը գալու է մեր համայնք, ուզում ենք նաև նրան լսելի դարձնել մեր խնդիրը, բայց մտավախություն ունենք, որ մեզ կարող են մերժել, բայց մենք կանգ չենք առնելու։ Մեր ժողովրդի համար անձնագրայինի տեղափոխումը լուրջ խնդիր է, գոնե ժամանակավոր հետ բերեն, մինչև օնլայն համակարգի ներդրումը։

Չարենցավանը ամենաաղքատ բնակավայրերից մեկն է, մարդիկ կան, որ 100-200 դրամն էլ խնդիր է, բայց մի անձնագրի երկարացման համար 2 շաբաթ ստիպված են լինում գնալ Հրազդան, ընդ որում՝ տաքսիով են գնում, ավտոբուսը մեր մոտ չի կանգնում։ Մի անգամ գնալ գալը 6000 դրամ է կազմում, իսկ գումար չունեցող մարդկանց համար սա ֆինանսական լուրջ կորուստ է»։

Գաբրիելյանն ասաց, որ կիրակի օրը նաև Չարենցավանի կենտրոնում՝ կինոթատրոնի դիմաց փոքր համերգ է կազմակերպելու՝ ի նշան բողոքի։

Հուլիսի 31-ին ոստիկանությունն ակցիաների կազմակերպիչներին հրավիրել է քննարկման, սակայն վերջիններս քննարկումից մեծ ակնկալիքներ չունեն։ «Դրա համար էլ կանգ չենք առնելու, առաջին անգամ չարենցավանցիները համախմբված են ու որոշել են պայքարել մինչև վերջ։ Սա քաղաքական խնդիր չի, բոլորիս ենք այս խնդրին առնչվում»,- նշել է բնակիչը։

Աղբյուր` Փաստինֆո