Փաստ ինֆո

ՀՀ իշխանություններն իսպառ չունեն ինքնուրույն որոշումներ կայացնելու սուբյեկտայնություն, հանդիպման յուրաքանչյուր ֆորմատի, որը չի համապատասխանում իրենց հրահանգված ուղուն, պայմանական վերցնենք՝ թուրք- եվրոպական կամ թուրք-ամերիկյան գծին, իրենք վերապահումներով են վերաբերվում, - «Փաստինֆո»-ի հետ զրույցում արձանագրեց քաղաքագետ Արման Աբովյանը։

Ինչպես արդեն հայտնի է՝ «3+3» ֆորմատով հաջորդ հանդիպումը կայանալու է Թուրքիայում, ինչի մասին օրերս հայտարարել էր Հայաստանում Իրանի դեսպանը, սակայն հայկական կողմը չի շտապում ասել՝ մասնակցելու է հանդիպմանը, թե ոչ։ Ա.Աբովյանի խոսքերով՝ պաշտոնական Երեւանի լռությունը, Հայաստանի իշխանությունների անորոշությունը պայմանավորված է նրանով, որ չունեն սուբյեկտայնություն, արտաքին ճակատում որոշումները տարբեր հասարակական խաղացողներն են կայացնում, այսինքն՝ օրակարգը ՀՀ-ն չի որոշում։

«« 3+3»-ին ինքս վերապահումով եմ մոտենում, քանզի համարում եմ, որ տրամաբանական չէ ինչ -որ փորձեր անել նույն Թուրքիայի, Ադրբեջանի հետ յուրաքանչյուր հարթակում, որովհետև Թուրքիան և Ադրբեջանը կապ չունի, թե ինչ հարթակում են իրենց նախագծերն են առաջ տանում»,- ասաց Աբովյանը։ Այդուհանդերձ, ըստ նրա, Հայաստանի իշխանություններն այս կամ առումով, հնարավոր է արտաքին գործերի փոխնախարարի մակարդակով կամ մի գուցե արտաքին գործերի նախարարի մակարդոկով, ինչ-որ մասնակցություն ունենան, այս կամ այն ֆորմատով, բայց մինչև չստանան պայմանական դաբրոն դրսերից, բնավ կապ չունի որտեղից, իրենք չեն հայտարարի մասնակցության մասին։

Ինչ վերաբերում է Իրանի դերակատարմանը, ապա Ա. Աբովյանի գնահատմամբ, նման հայտարարություններով, քայլերով Իրանը փորձում է տարածաշրջանը զերծ պահել մեծ պատերազմից, որովհետև շատ լավ հասկանում է, որ Ադրբեջանի հարվածը ՀՀ ուղղությամբ կամ ՀՀ սուբյեկտայնության փոխանցումը արևմտյան վեկտորին անխուսափելիորեն հանգեցնելու է ՀՀ-ի կազմաքանդմանը, ինչն արդեն վտանգ է ներկայացնում Իրանի ազգային շահերի համար։

«Կարծում եմ՝ բոլորն էլ շատ լավ հասկանում են, որ ստեղծված կոնֆիգուրացիայով ՀՀ իշխանությունները ոչ մի բան որոշող չեն», - ասաց Աբովյանը։

Նշենք, որ 3+3 ֆորմատով հաջորդ հանդիպումը Թուրքիայում անցկացնելու որոշման մասին առաջին անգամ հայտարարվել է դեռեւս 2023 հոկտեմբերին՝ Թեհրանում տեղի ունեցած նախորդ հանդիպումից հետո։

«3+3 ձեւաչափով արտգործնախարարների մակարդակով հաջորդ հանդիպումը տեղի կունենա Թուրքիայում», Թեհրանում տեղի ունեցած ճեպազրուցյում հայտարարել էր ՌԴ արտգործնախարար Սերգեյ Լավրովը՝ ավելացնելով, որ այն տեղի կունենա 2024 թվականի առաջին կիսամյակում։

Թեհրանի հանդիպմանը ՀՀ արտգործանախարար Արարատ Միրզոյանը ներկա եղել է, հետեւապես մասնակցել նաեւ որոշման կայացմանը։ Իրանի դեսպանը CNN-ին տված հարցազրույցում, փաստացի, նորություն չէր ասել, այլ միայն վերահաստատել էր ամիսներ առաջ արտգործնախարարների կայացրած որոշումը, սակայն հիմա ՀՀ ԱԳՆ-ն լռում է՝ տպավորություն ստեղծելով, թե հանդիպման վայրի որոշման մասին տեղյակ չեն եղել, քաղաքական որոշում չունեն՝ մասնակցելու կամ չմասնակցելու մասին։ Ըստ ամենայնի այս ամիսներին ինչ-որ բան է փոխվել ու ինչպես, Ա.Աբովյանը նկատեց, դեռ պաշտոնական Երեւանը 3+3 ֆորմատով այս հանդիպմանը մասնակցելու «դաբրո» կտրվի, թե ոչ։

Աղբյուր` Փաստինֆո