ԲՈԼՈՐ ՆՅՈՒԹԵՐԸ
Փաշինյանը ծանոթացել է Արմավիրի մարզում 2023 թ.-ին իրականացված և ներկայումս ընթացքի մեջ գտնվող ծրագրերին 07/26/2024 23:24 | ԼՐԱՀՈՍ
![](https://www.pastinfo.am/news_images/602/1804092_1/mt011110.thumb.jpg)
Վարչապետ Նիկոլ Փաշինյանն այցելել է Արմավիրի մարզ, ծանոթացել 2023 թվականին իրականացվող և ներկայումս ընթացքի մեջ գտնվող ծրագրերին:
Վարչապետի առաջին կանգառը եղել է Փարաքարում, որտեղ ծանոթացել է Փարաքարի միջնակարգ դպրոցի կառուցման աշխատանքներին: Ծրագրի ընդհանուր արժեքը 1 մլրդ դրամ է: Ծրագրի իրականացման արդյունքում Փարաքար բնակավայրը կունենա նոր դպրոց` 576 աշակերտ նախագծային հզորությամբ։ Դպրոցն ընդգրկված է Կառավարության «Մինչև 2026 թվականը կառուցվող, հիմնանորոգվող կամ վերակառուցվող 300 դպրոցներ»-ի ծրագրի ցանկում։
Կառավարության ղեկավարն այնուհետև այցելել է ՀՀ ԱՍՀՆ Միասնական սոցիալական ծառայության Վաղարշապատի տարածքային կենտրոն, որի շինարարական աշխատանքներն սկսվել են 2022 թ. փետրվարին և ավարտվել 2023 թ. մարտին: Ծրագրի ընդհանուր արժեքը 250 մլն դրամ է: Սպասարկման տարածքի բնակչության թիվը կազմում է շուրջ 150.000 անձ: Վարչապետը շրջայցի ընթացքում ծանոթացել է քաղաքացիներին մատուցվող ծառայություններին:
Նիկոլ Փաշինյանի հաջորդ կանգառը եղել է Էջմիածին քաղաքում, որտեղ ներկայացվել է սուբվենցիոն ծրագրի շրջանակում հիմնանորոգվող թիվ 4 «Ձնծաղիկ» մանկապարտեզի հիմնանորոգման աշխատանքների ընթացքը: Ընդգծվել է, որ ծրագրի ընդհանուր արժեքը 270 մլն դրամ է, որից 189 մլն դրամը հատկացրել է Կառավարությունը: Գործադիրի որոշմամբ Արմավիրի մարզպետի աշխատակազմին հատկացվել է ևս 70 մլն դրամ՝ մանկապարտեզը գույքով և տեխնիկայով ապահովելու համար։ Հիմնանորոգվող մանկապարտեզը նախատեսված է 174 երեխայի համար։
Այցի շրջանակում վարչապետին ներկայացվել է նաև «Զվարթնոց» պատմամշակութային արգելոց-թանգարանում իրականացված աշխատանքները: Հիմնանորոգվել է թանգարանային շենքի տանիք: Իրականացվել են թանգարանի ներտարածքային հետիոտնային մայթերի սալիկների, արտաքին լուսավորության վերականգնման աշխատանքներ: Մուտքից մինչև թանգարանի տարածք սալիկապատվել են հետիոտնային մայթերը, կատարվել է նաև արտաքին լուսավորություն: Վերոնշյալ աշխատանքների նպատակով Կառավարությունը հատկացրել է 86 մլն դրամ: Հաջորդ ծրագիրը «Զվարթնոց» պատմամշակութային արգելոց-թանգարան մասնաճյուղի հնձանի ամրակայման, վերականգնման աշխատանքներն են: Ծրագրի ընդհանուր արժեքը 29 մլն դրամ է, իրականացվել է ՊՈԱԿ-ի սեփական միջոցների հաշվին: Ծրագրի արդյունքում Զվարթնոց տաճարի տարածքում գտնվող հնձանները կվերականգնվեն և ապակյա պաշտպանիչ կոնստրուկցիաներ կհավաքվեն:
Մարզային այցի շրջանակում Կառավարության ղեկավարին են ներկայացվել «Ագրո Մենեջմենթ» ընկերության ներդրումային ծրագրերը՝ խաղողի այգիներ, գինու արտադրություն, զբոսաշրջություն և ջերմոցային տնտեսություն: Ծրագրի ընդհանուր արժեքը շուրջ 1 մլրդ դրամ է: Ընկերությունն օգտվել է ինտենսիվ այգեգործության, ագրոպարենային ոլորտի սարքավորումների լիզինգի աջակցության, գյուղատնտեսական տեխնիկայի լիզինգի աջակցության և գյուղատնտեսական հումքի մթերումների (գնումների) նպատակով ոլորտին տրամադրվող վարկերի տոկոսադրույքների սուբսիդավորման ծրագրերից։ Արդյունքում՝ հիմնվել են 5,5 հա խաղողի, 2,5 հա պտղատու ինտեսիվ այգիներ, արտադրվում են «Ալլուրիա» գինիներ (Alluria Wines)՝ հայկական էնդեմիկ խաղողի սորտերից։ Կառուցվել է «Ալլուրիա» գինու տուն՝ զբոսաշրջային միջոցառումների կազմակերպման համար։ Կառուցվել է 8400 քմ նորագույն տեխնոլոգիաներով ջերմոցային տնտեսություն, որտեղ ընթացիկ տարում աճեցվում է կծու պղպեղ։
Ակնաշենում վարչապետին են ներկայացվել բնակավայրի մանկապարտեզի կառուցման աշխատանքները: Ծրագրի ընդհանուր արժեքը 291 մլն դրամ է: Արդյունքում բնակավայրը կունենա նոր կառուցված մանկապարտեզ, որտեղ կհաճախեն 50 երեխաներ։
Արաքս համայնքի Արաքս և Մեծամոր բնակավայրերում Նիկոլ Փաշինյանը ծանոթացել է բնակավայրերը սնուցող գազատար խողովակի կառուցման, Արաքս բնակավայրի Դեմիրճյան և Դրոյի փողոցների, Մեծամոր բնակավայրի Սարյան և Աբովյան փողոցների գազիֆիկացման աշխատանքներին: Սուբվենցիոն ծրագրի շրջանակում իրականացվող աշխատանքների ընդհանուր արժեքը 556 մլն դրամ է, որից 361 մլն դրամը տրամադրել է Կառավարությունը: Ծրագրի արդյունքում կկառուցվի 12542 գծմ գազատար և համայնքը կունենա ամբողջությամբ գազիֆիկացված երկու բնակավայր, 580 տնտեսություն կապահովվի գազամատակարարմամբ:
Վարչապետի հաջորդ կանգառը եղել է «Մարգարա» մաքսային կետում, որտեղ նրան ներկայացվել են մաքսակետի արդիականացման աշխատանքները և ստեղծված աշխատանքային պայմանները: Ծրագրի ընդհանուր արժեքը 1 մլրդ դրամ է։
Այգեշատ բնակավայրում կառավարության ղեկավարը ծանոթացել է Երիտասարդական և Մայիսյան փողոցների ասֆալտապատման աշխատանքներին: Սուբվենցիոն ծրագրով իրականացվող աշխատանքների ընդհանուր արժեքը 82 մլն դրամ է, որից 28 մլն դրամը հատկացվել է պետական բյուջեից: Ճանապարհի ընդհանուր երկարությունը 0.8 կմ է։ Շինարարական աշխատանքներն ընթացքի մեջ են։ Նույն բնակավայրում Նիկոլ Փաշինյանը ծանոթացել է նաև մանկապարտեզի վերանորոգման ընթացքին: Սուբվենցիոն ծրագրով իրականացվող աշխատանքների ընդհանուր արժեքը 51 մլն դրամ է, որից 35 մլն դրամը տրամադրել է Կառավարությունը: Մանկապարտեզը նախատեսված է 90 երեխայի համար։ Շինաշխատանքները կավարտվեն աշնանը:
Մարզում իրականացվող հաջորդ ծրագիրը, որը ներկայացվել է վարչապետին, Տ-3-44, /Մ-5/ – Ծիածան – Աղավնատուն – Լեռնամերձ 7,3 կմ ճանապարհահատվածի հիմնանորոգման աշխատանքներն են (Մ-5 ճանապարհից դեպի Ծիածան-Աղավնատուն հատված): Ծրագրի ընդհանուր արժեքը 784 մլն դրամ է։
Կառավարության ղեկավարին ներկայացվել է նաև Մ-5, Երևան - Արմավիր - ՀՀ սահման միջպետական նշանակության ավտոճանապարհի 5,62 կմ աջակողմյան և ձախակողմյան հատվածների հիմնանորոգման և ջրահեռացման համակարգի վերականգնման աշխատանքները: Ծրագրի ընդհանուր արժեքը 1 մլրդ դրամ է։
Արմավիր կատարած այցի շրջանակում Նիկոլ Փաշինյանին ներկայացվել է նաև Մեծամոր համայնքի Կառավարության կողմից տրամադրված կոմունալ տեխնիկան: Ծրագրի ընդհանուր արժեքը 512 մլն դրամ է: Ձեռք է բերվել 2 բազմաֆունկցիոնալ էքսկավատոր, 1 հարթեցնող, աղ ու ավազ ցանող, ավլող և ջրցան բազմաֆունկցիոնալ ավտոմեքենա, 2 բեռնատար, 1 կոյուղի մաքրող մեքենա (քաշող), 1 աղբահավաք մեքենա, 150 աղբաման և 1 գրեյդեր։ Ընդգծվել է, որ առաջիկայում ծրագրի շրջանակում ձեռք կբերվի նաև 1 կոյուղի մաքրող մեքենա և 1 աղբահավաք մեքենա։ Ծրագրի շնորհիվ բարելավվել է համայնքապետարանի կողմից մատուցվող կոմունալ ծառայությունների որակն ու մատչելիությունը:
Մեծամորում վարչապետը ծանոթացել է համայնքի նախկին պոլիկլինիկայի շենքը համայնքապետարանի վարչական շենք դարձնելու նպատակով իրականացված վերանորոգման աշխատանքներին: Սուբվենցիոն ծրագրի արժեքը 252 մլն դրամ է, որից 88 մլն դրամը հատկացրել է Կառավարությունը: Արդյունքում Մեծամոր համայնքն ունի նոր և հարմարավետ աշխատասենյակներով համայնքապետարանի վարչական շենք:
Լեռնագոգ բնակավայրում Կառավարության ղեկավարը ծանոթացել է «Հայաստան» համահայկական հիմնադրամի կողմից Լեռնային Ղարաբաղից բռնի տեղահանված ընտանիքների համար կառուցվող 14 առանձնատների և նոր մանկապարտեզի կառուցման աշխատանքներին: Ծրագրի ընդհանուր արժեքը 719 մլն դրամ է։ Կառավարության որոշմամբ էլ Արմավիրի մարզպետի աշխատակազմին հատկացվել է 33 մլն դրամ՝ մանկապարտեզը գույքով և տեխնիկայով ապահովելու համար։
Նույն բնակավայրում Նիկոլ Փաշինյանին ներկայացվել է «Փաուեր սոլար» ընկերության 60 Մվտ հզորությամբ արևային կայանի ներդրումային ծրագիրը, որի ընդհանուր արժեքը կազմել է 12,3 մլրդ դրամ: Կայանը տարվա կտրվածքով միջինում կարտադրի 120 մլն․ կվտ կանաչ էներգիա, որը կիրացվի էլեկտրաէներգիայի ազատականացված շուկայում։ Կայանն ապահովում է 40-50 աշխատատեղ` կազմված համայնքի բնակիչներից։ Ներդրումային ծրագրին նպաստել է նաև կառավարության ընդունած՝ բանկային տոկոսներին սուբսիդավորման ծրագիրը:
Խանջյան գյուղում վարչապետը ծանոթացել է մանկապարտեզի շենքի հիմնանորոգման աշխատանքներին: Սուբվենցիոն ծրագրով իրականացվող աշխատանքների ընդհանուր արժեքը 387 մլն դրամ է, որից 271 մլն դրամը տրամադրել է Կառավարությունը: Կառավարության որոշմամբ՝ Արմավիրի մարզպետի աշխատակազմին հատկացվել է 32 մլն դրամ՝ մանկապարտեզը գույքով և տեխնիկայով ապահովելու համար։ Մանկապարտեզը նախատեսված է 90 երեխայի համար։
Աշխատանքային այցի շրջանակում Տ-3-61, /Մ-5/ (Նորապատ) - /Հ-17/ ավտոճանապարհի (Ամավիրի վերջնամասից դեպի Նորապատ) 1․7 կմ հատվածի հիմնանորոգման ընթացքն է ներկայացվել կառավարության ղեկավարին: Նշվել է, որ ծրագրի ընդհանուր արժեքը 447 մլն դրամ է։ Աշխատանքներն ավարտական փուլում են։
Այգեվան բնակավայրում Նիկոլ Փաշինյանին ներկայացվել են «Մոդուլային» տիպի 144 տեղ հզորությամբ մսուր-մանկապարտեզի կառուցման աշխատանքները, որոնք ավարտական փուլում են: Ծրագրի նպատակով Կառավարությունը տրամադրել է 848 մլն դրամ։ Մանկապարտեզը նախատեսված է 144 երեխայի համար։
Արաքս գյուղում նույնպես վարչապետը ծանոթացել է մանկապարտեզի շենքի հիմնանորոգման աշխատանքներին: Սուբվենցիոն ծրագրով իրականացվող աշխատանքների ընդհանուր արժեքը 279 մլն դրամ է, որից 195 մլն դրամը հատկացվել է պետական բյուջեից: Կառավարության որոշմամբ Արմավիրի մարզպետի աշխատակազմին հատկացվել է 5 մլն դրամ՝ մանկապարտեզը գույքով և տեխնիկայով ապահովելու համար։ Հիմնանորոգված մանկապարտեզը նախատեսված է 120 երեխայի համար։ Շինաշխատանքները կավարտվեն այս տարվա ընթացքում:
Այցի շրջանակում Նիկոլ Փաշինյանը ծանոթացել է Մ-5, Երևան - Արմավիր-ՀՀ սահման միջպետական նշանակության ավտոճանապարհի 4,7 կմ հատվածի հիմնանորոգման ընթացքին (Սարդարապատի հուշահամալիրից դեպի ՀՀ սահման՝ Վանանդ գյուղի մոտակայք): Ծրագրի ընդհանուր արժեքը 607 մլն դրամ է:
Կառավարության ղեկավարի հաջորդ կանգառը եղել է «Ալմոնդ ագրո» ընկերության նշենու այգում: Ներդրումային ծրագրով հիմնվել է 100 հա նշենու այգի՝ իր ջրավազանով։ Ծրագիրն իրականացվել է Կառավարության՝ «Հայաստանի Հանրապետությունում խաղողի, ժամանակակից տեխնոլոգիաներով մշակվող ինտենսիվ պտղատու այգիների և հատապտղանոցների հիմնման համար պետական աջակցության» ծրագրի շրջանակում վարկային տոկոսադրույքների սուբսիդավորման շրջանակում:
Փշատավան բնակավայրում վարչապետին ներկայացվել են միջնակարգ դպրոցի մարզադահլիճի վերակառուցման աշխատանքները: Ծրագրի ընդհանուր արժեքը 205 մլն դրամ է: Նույն բնակավայրում Նիկոլ Փաշինյանը ծանոթացել է «Մոդուլային» տիպի 144 տեղ հզորությամբ մսուր-մանկապարտեզի կառուցման աշխատանքներին: Ծրագրի ընդհանուր արժեքը՝ 654 մլն դրամ է։ Մանկապարտեզը նախատեսված է 144 երեխայի համար"
Ճանապարհաշինարարական ծրագրերի շրջանակում Կառավարության ղեկավարը ծանոթացել է նաև Հ-15, /Մ-5/(Նորապատ)-Արգավանդ–/Մ-3/(Վարդանաշեն) հանրապետական նշանակության ավտոճանապարհի 3 կմ հատվածի հիմնանորոգման աշխատանքներին (Նորապատից դեպի Արգավանդ հատված): Ծրագրի ընդհանուր արժեքը 411 մլն դրամ է։ Աշխատանքներն ավարտական փուլում են։
Արմավիր քաղաքում վարչապետը ծանոթացել է Հարկադիր կատարման և Պրոբացիայի ծառայությունների շենքային պայմանների բարելավման աշխատանքներին: Ծրագրի ընդհանուր արժեքը 43 մլն դրամ է։ ՀԿԱ և Պրոբացիայի Արմավիրի մարզային ծառայողները տեղակայվել են մեկ, առավել բարեկարգ և հարմարավետ տարածքում, արդյունքում քաղաքացիներին մատուցվող ծառայությունները բերվել են պատշաճ մակարդակի:
Արմավիր քաղաքում Նիկոլ Փաշինյանին և տիկին Աննա Հակոբյանին են ներկայացվել նաև կենտրոնական հրապարակի շատրվանի վերակառուցման աշխատանքները: Սուբվենցիոն ծրագրի արժեքը 169 դրամ է, որից 50 մլն դրամը հատկացվել է Կառավարության կողմից: Արդյունքում քաղաքն ունի նորագույն լուծումներով լուսաձայնային վերակառուցված շատրվան:
Հարակից հրապարակումներ`
Տեսանյութեր
![](https://www.pastinfo.am/video_images/12/35450_1/f66dbddae3c8c6_66dbddae3c90a.jpg)
Տեսադարան
![](https://www.pastinfo.am/cache_image/album_main_images/1/6807/mhm0146123.thumb-270x158.jpg)
Մամուլ
- 09/07/2024 16:47 Նիկոլ Փաշինյանը շնորհավորական ուղերձ է հղել Ֆրանսիայի նորանշանակ վարչապետին
- 09/07/2024 08:57 ՔՊ-ում անհանգիստ են․ մանրամասներ փակ նիստից․ «Հրապարակ»
- 09/07/2024 08:54 Անդրանիկ Քոչարյանը ջանում է պաշտոնի նշանակել Սյունիքի հողերը Ադրբեջանին նվիրող գեներալին. «Ժողովուրդ»
- 09/07/2024 08:50 Դեսպաններից ոմանք քծնել են Փաշինյանին․ «Հրապարակ»
- 09/07/2024 08:46 Պաշտոնի հերթական չարաշահումն ու հերթական կոռուպցիոն գործարքը. ի՞նչ կապ ունի Կարեն Գիլոյանը. «Ժողովուրդ»
- 09/07/2024 08:44 ՔՊ-ում խմորումներ են․ «Հրապարակ»
- 09/07/2024 08:41 Կործանիչ «մակարդակ». պատատակի բամբասանքը՝ քաղաքական կատեգորիա. «Փաստ»
ՓԱՍՏԱԹՂԹԵՐ
- 09/02/2024 15:38 Հրատապ. Հրապարակվել է Հայաստանի և Ադրբեջանի միջև պետական սահմանի սահմանազատման և սահմանային անվտանգության հարցերով հանձնաժողովների համատեղ գործունեության մասին կանոնակարգը
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
Հարցազրույց
- 08/30/2024 20:13 Նորակառույցները զավթում են երթևեկելի գոտին ու հետիոտնի անցման տարածքը, իսկ քաղաքապետարանից դժվարանում են ասել, թե դեռ որքան են ընդլայնելու Երեւանի սահմանները
- 08/28/2024 17:49 «Միջանցքի» հարցում չպետք է շահագրգռված լինի հենց ՌԴ-ն. դա այն գինը չէ, որ արժե վճարել ռուս-ուկրաինական պատերազմում թուրք-ադրբեջանական իբր զսպվածության, բայց իրականում՝ պահանջատիրության դիմաց
- 07/23/2024 20:11 Պատահական չէ՝ երբ մեր իշխանությունները փորձում են ինչ-որ շեղում կատարել դեպի ռուսական հարթակ՝ Արևմուտքից հանկարծ հիշեցնում են կոկաինի պատմությունը. Ձյունիկ Աղաջանյան
- 06/30/2024 16:26 Սառցապատ Արարատից հրաբուխ է ժայթքելու, սա խորհրդանշելու է հայոց վերելքը․ Աշոտ դպիր Արևշատյան
Մեկնաբանություն
- 09/07/2024 11:47 Ցեղասպանագետների միջազգային ընկերակցությունն ընդունել է ԼՂ-ում ցեղասպանական գործողության վերաբերյալ բանաձև
- 09/07/2024 11:22 Քաղաքապետը քաղաքի բոլոր հրատապ խնդիրները «լուծելուց» հետո իր ավագանու թիմին հրահանգել է նախաձեռնել իմ՝ Երևան քաղաքի ավագանու լիազորությունները դադարեցնելու գործընթաց. Երիցյան
- 09/07/2024 11:03 Տեղեկատվական այս համաճարակն է ներկայիս աղետալի վիճակի հիմնապատճառներից մեկը. Վարուժան Գեղամյան
- 09/06/2024 11:03 Խնդիրը ո՛չ սրանց, ո՛չ էլ մեծամասնության մեջ է, խնդիրը մեր՝ փոքրամասնության մեջ է. Դավիթ Անանյան
Արխիվ
Արտակարգ պատահարներ
- 09/07/2024 18:25 Փրկարարները քաղաքացուն իջեցրել են «Սուրբ Հովհաննես» կոչվող մատուռից և մոտեցրել շտապօգնության ավտոմեքենային
- 09/07/2024 18:21 Բախվել է երկու «VAZ» մակնիշի ավտոմեքենա․ կա մեկ զոհ և մեկ տուժած
- 09/07/2024 12:09 Խոշոր ավտովթար՝ Լոռու մարզում. բախվել են «Mercedes»-ն ու «Ford»-ը. ընտանիքի 4 անդամներ, այդ թվում՝ անչափահասներ, տեղափոխվել են հիվանդանոց
- 09/07/2024 10:07 Հրդեհ փայտե տնակում․ տուժածներ չկան
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 09/06/2024 23:52 Հոգեբանը բացատրել է կրկնվող երազների ֆենոմենը
- 09/06/2024 22:44 Տղամարդը տարիներ շարունակ թմրանյութեր է ներարկել կնոջը և թույլ տվել տասնյակ անծանոթների բռնաբարել նրան
- 09/06/2024 18:46 Տղամարդը 15 տարվա ազատազրկման է դատապարտվել ռեզյումեում կեղծ տվյալների համար
- 09/06/2024 18:18 Հեղեղումների ժամանակ կոկորդիլոսները գրավել են հնդկական քաղաքի փողոցները
Հետաքրքիր է իմանալ
- 09/04/2024 18:54 Արևային բծերի թիվը հասել է վերջին 23 տարվա առավելագույնին
- 09/04/2024 18:27 Գործարարը սովորել է օրական ընդամենը կես ժամ քնելով՝ սթափ միտք ունենալ ու աշխատել արդյունավետորեն
- 08/31/2024 18:14 Հայտնի են սեպտեմբերին հնարավոր մագնիսական փոթորիկների օրերը. հնարավոր են խափանումներ անգամ նավիգացիայի համակարգում
- 08/29/2024 13:37 Արեգակի վրա սրտաձև բիծ են նկատել