Փաստ ինֆո

Ամենաակտիվ հականիկոլական և ազգային ուժերից մեկի ներկայացուցիչ Գերասիմ Վարդանյանի նկատմամբ իրականացվում է ակնհայտորեն քաղաքական հետապնդում։ Պատահական չէ, որ Գերասիմին արդեն երրորդ անգամ ձերբակալում են։ Լրագրողների հետ զրույցում ասել է ՀՀ ԱԺ պատգամավոր Արծվիկ Մինասյանը։

Նրա գնահատմամբ՝ իշխող ռեժիմը հասկանում է, որ միայն այդպես կարող է որոշակի ժամանակ լռեցնել, բայց դա էլ արդյունք չունի։

«Այս գործն ի սկզբանե սնանկ է, իրավական անհեռանկար մի գործ, որտեղ փորձ է արվում Գերասիմ Վարդանյանին և մյուս պայքարողներին վերագրել մի բան, որն իրականության հետ առնչություն չունի»,- ասել է պատգամավորը՝ ընդգծելով, որ նման մեթոդներով հնարավոր չէ լռեցնել պայքարող տեսակը։

Գ. Վարդանյանի նկատմամբ նաեւ իրականացվել է ապօրինի գաղտնալսում, ինչի կապակցությամբ ներկայացվել է հանցագործության մասին հաղորդում։ «Այս պահին չկա որևէ արձագանք։Իրենք էլ չեն թաքցնում, որ դիմում են նման այլանդակ մեթոդների և քանի որ այդ գործողություններն ապօրինի են, փորձում են նաեւ ձգձգել»,- նշել է Ա. Մինասյանը՝ հավելելով, որ բազմաթիվ այլ դրվագներով ևս տարբեր հաղորդումներ են ներկայացվել։

«Նիկոլական դատախազությունը առայժմ լռում է, բայց հանգիստ չենք թողնելու, անընդհատ խեղդելու ենք իրավական գործիքակազմով, մինչև նրանց բերենք իրավական, քրիստոնեական համակարգ»,- ընդգծել է պատգամավորը։

Աղբյուր` Փաստինֆո