Փաստ ինֆո

Ժողովրդի ձայնը միշտ լսելի է, բայց լսողն այս դեպքում ներդրողը չի։ Հանրային քննարկման իմաստն այն է, որ լսեն բոլոր շահագրգիռ կողմերի կարծիքը, բայց հիմնավոր կարծիքը։ Այս մասին այսօր հրավիրված ասուլիսում պնդեց «ՕՐԴ» ՍՊԸ ներկայացուցիչ Արսեն Միրզոյանը՝ անդրադառնալով Կարմիրսարում բացվելիք նոր հանքավայրի և ցեմենտի կառուցվող գործարանի հանրային լսումների 4-րդ փուլի տապալմանը, երբ ազդակիր համայնքների ներկայացուցիչները, հատկապես այն բնակիչները ովքեր դեմ են նոր հանքավայրի բացմանը հնարավորություն չեն ունեցել մասնակցելու հանրային լսմանը։ Բնակիչները պնդում էին որ ներս էին թողել միայն այն բնակիչներին ովքեր կողմ են եղել հանքավայրի բացմանը, իսկ մյուսների ոստիկանների միջոցով փույլ չեն տվել ներս մտնել։

Միրզոյանը նշեց, որ ցանկություն կա միտք հայտնել, որ այս կամ այն գործունեությունը վնասում է որևէ բանի, բայց դա կարելի է ասել ամեն ինչ մասին։

«Կարող է իմ էս պահին խոսելն էլ է վնասում շրջակա միջավայրին։ Դրա համար կան փորձագիտական հաշվարկներ թույլատրելի նորմեր, և այդ ամեն ինչը պետք է որոշվի դրանց վերլուծության համեմատականի արդյունքում։ Բնականաբար, դեմ խոսացողներն էլ կան, կողմ խոսացողներ էլ կամ, բայց միայն բացասական կարծիքը ոչինչ չի նշանակում։ Մենք այդ կարծիքները վերածում ենք թվերի, նորմերի, վերլուծության գնահատման ու արդեն իրավասու մարմինները փորձաքննության շրջանակներում պետք է որոշում կայացնեն»։

Նա ընդգծեց, որ այս պահին նախագիծը փորձաքննության փուլում է։ «ՇՄԱԳ փորձաքննության և դրա վերծությության գործընթացը միտված է նրան, որպեսզի այնպիսի միջոցառումներ իրականացվի, որպեսզի նվազեցվի արտանետումները, որպեսզի դրանք բերի նորմատիվ թույլատրելի դաշտ։ Օրինակ, եռաշերտ ծառատունկ պետք է իրականացվի, պետք է իրականացվի ջրցան, որը փոշիջեցում պետք է իրականացնի հանքավայրում»։

«Փաստինֆոյի» դիտարկմանը, թե ինչպե՞ս են 60 հեկտար տարածքի վրա փոշին նվազեցնելու մեկ ջրցան մեքենայով, այն պարագայում, երբ տարածքում չկա ջրային ավազան՝ ընկերության ներկայացուցիչը նշեց, որ ջուրը բերելու են Հրազդան-Արաքս կոլեկտորից։ «Այսինքն, դիմելու ենք սահմանված կարգով նախարարություն, ստանանք ջրօգտագործման թույլտվություն և կոլեկտորը տեխնիկական ջրի աղբյուրը կծառայի»։

Նա վստահեցրեց, որ մեկ մեքենան բավարար է ջրցան իրականացնելու համար։ «Ջրցան իրականացվելու է ճանապարհին, լցակույտ տեղափոխվող տարածքում և արտադրական հրապարակում, մեկ մեքենան իր ֆունկցիան իրականացնելուց հետո՝ կիջնի նորից կբարձրանա, եթե մեկ մեքենան բավարար չլինի՝ ընկերությունը պատրաստ է 2-րդ և երրորդ մեքենան ներգրավել։ Բայց նախատեսվող ծավալներից ելնելով՝ մեկ մեքենան բավարար է»։

Ընկերության ներկայացուցիչները նշեցին, որ Կարմիրսարի վրա արդեն մեկ հանքավայր գործում է։ «Նոր հանքավայն ընդգրկելու է 62 հեկտար տարածք և այգիներից հեռու է լինելու 1.5 կմ։
Սարի ներքև մասում է՝ ներսից»։

Հարցին, թե արդյոք պնդում են, որ փոշին այգիներին չի հասնելու՝ ընկերության մեկ այլ ներկայացուցիչ պնդեց, որ ոչ չի հասնելու։

Աղբյուր` Փաստինֆո