Փաստ ինֆո

Ամռանն աշխատելը շատերի համար փորձություն է դառնում։ Թե ինչպես հաղթահարել ամռանըն աշխատելու դժկամությունը, «Երեկոյան Մոսկվա» - ին ասել է հոգեբան Եկատերինա Կորենդյասևան:

Մասնագետի խոսքով՝ սեզոնային դեպրեսիա կամ սեզոնային աֆեկտիվ խանգարում մարդիկ կարող են զգալ ոչ միայն աշնանը և ձմռանը, այլև ամռանը: Այս վիճակը բնութագրվում է հոգնածությամբ, անտարբերությամբ և աշխատանքի մոտիվացիայի նվազմամբ:

Շոգն ու բարձր խոնավությունը բացասաբար են ազդում ֆիզիկական և հոգեբանական վիճակի վրա։ Ամռանն աշխատելու դժկամությանը նպաստում է նաև բիոռիթմերի և ցերեկային ժամերի փոփոխությունը, նոր տպավորությունների ակնկալիքը, որոնք կապված են արձակուրդի, բնության մեջ անցկացրած ժամանակը: Բացի այդ, ամռանն ընկերություններն ու կազմակերպություններն ամենից հաճախ նվազեցնում են աշխատանքի տեմպերը։ Աշխատակիցներն այս պահին չունեն հստակ առաջադրանքներ և նպատակներ, ինչը դժվարացնում է մոտիվացումն ու արդյունավետությունը:

Աշխատանքին տրամադրվելու համար, հոգեբանը խորհուրդ է տվել օրվա ընթացքում կարճ ընդմիջումներ կազմակերպել և պարտադիր հանգստյան օրեր՝ ծանրաբեռնվածությունից խուսափելու, իրատեսական նպատակներ դնելու և ավելի չափավոր առաջադրանքներ կատարելու համար: Պետք է նաև աշխատավայրում ապահովել հարմարավետ ջերմաստիճան և խոնավություն։

Մասնագետի խոսքով՝ ամենակարևորը նպատակադրումն է, կարևոր է հասկանալ, թե ինչի համար է աշխատանքը։ Հետևաբար, դուք պետք է ինքներդ ձեր համար նպատակներ դնեք, որոնք կուրախացնեն՝ և փոքր, և մեծ: Այդ ժամանակ աշխատանքը կլինի հաճելի տարվա ցանկացած ժամանակ։

Աղբյուր` Փաստինֆո