ԲՈԼՈՐ ՆՅՈՒԹԵՐԸ
ԵՄ-ում կա 4 երկիր, որոնք խանդավառված չեն Հայաստանի հետ վիզաների ազատականացման գործընթացով. քաղաքագետ 07/17/2024 20:37 | Քաղաքական
![](https://www.pastinfo.am/news_images/600/1799750_1/f6697f495a2265_6697f495a22a5.thumb.jpg)
Եվրոպական խորհրդի հետ վիզաների ազատականցման բանակցությունները կարող են բավական երկար տևել։ Այդ գործընթացը սովորաբար բազմափուլ է լինում և ամեն փուլի համար պահանջվում է բոլոր 27 երկրների կոնսենսուսը։ Այս մասին «Փաստինֆոյի» հետ զրույցում ասաց քաղաքագետ Սուրեն Սուրենյանցը՝ անդրադառնալով Հայաստանի հետ վիզաների ազատականացման երկխոսություն սկսելու, ինչպես նաև Հայաստանին Եվրոպական խաղաղության գործիքակազմով աջակցություն տրամադրելու հարցերի ներառմանը Եվրոպական միության արտաքին հարաբերությունների խորհրդի հուլիսի 22֊ի նիստի օրակարգին։
Քաղաքագետը նշեց, որ, իր ունեցած տեղեկությունների համաձայն, ԵՄ անդամ մեր «բարեկամ» երկրներից մեկը խիստ վերապահումներ ունի այդ հարցում։ «Դիվանագիտական խողովակներից ստացած իմ տեղեկատվության համաձայն ԵՄ անդամ մեր մի «բարեկամ երկիրը» խանդավառված չէ այս տեղեկատվությամբ, բացի այդ՝ մենք ԵՄ ներսում ունենք ոչ բարեկամական երկրների ցանկ, կարող եմ ասել, որ 4 երկիր կա, որոնք խանդավառված չեն լինելու այս պրոցեսով»։
Նա ընդգծեց, որ եթե որոշում կայացվի սկսել բանակցություններ վիզայի ազատականացման շուրջ, ապա այդ պրոցեսը շատ նման է ԵՄ-ի հետ ինտեգրացիոն այլ պրոցեսների, որոնք նույնպես քաղաքական դրդապատճառներով պայմանավորված՝ կարող են կարճ տևել կամ նույն դրդապատճառներով պայմանավորված՝ երկարել։ «Օրինակ, վիզաների ազատականացման ռեժիմի շուրջ բանակցությունները Ուկրաինայի դեպքում շատ կարճ տևեց, իսկ Վրաստանի դեպքում՝ շատ երկար։ Գործընթացը բազմափուլ է, ու դժվար է ասել, արդյոք սա «պրյանիկ» չէ, որ ՀՀ իշխանությունները պետք է օգտագործեն ներքաղաքական խնդիրների նպատակով, թե այն «պրյանիկն» է, որով հերթական զիջումներ են կորզվելու մեզանից արտաքին քաղաքականության մեջ։ Սա էլ դեռ մինչև վերջ հասկանալի չէ»։
Նա ընդգծեց, որ նախորդող ժամանակահատվածում մենք տեսել ենք ԵՄ-ի կողմից արված քայլեր, որոնց արտաքին քաղաքական նշանակությունը շատ փոքր էր, սակայն դրանք հենց որպես «պրյանիկ» Նիկոլ Փաշինյանն ու իր թիմը օգտագործում էին երկրի ներսում ինչ-որ խնդիրներ լուծելու համար։
«Կարծում եմ՝ Նիկոլ Փաշինյանը դրան փորձելու է հասնել մինչև 2026 թ-ը, որպեսզի ժողովրդական լեզվով ասած՝ «կտի» ժողովրդին՝ համապետական ընտրությունից առաջ, բայց ես, կարծում եմ, որ այդ ժամկետը ևս իրատեսական չէ, ու մենք մինչև 2026 թ-ի չենք ունենա վիզաների ազատականացում»։
Սուրենյանցը նաև ընդգծեց, որ վիզաների ազատակամացումը կարող է բավական դրական պրոցես լինել, եթե պետությունը այն ճիշտ օգտագործի։ «Որքան շատ լինեն աշխարհի այն երկրները, որտեղ կարող ես առանց վիզայի գնալ, այնքան լավ՝ տնտեսական առումով, կրթության, փորձի փոխանակման առումով։ Շատ կարևոր է, որ այդ գործընթացը չզուգորդվի հակառուսական քողի ներքո։ Ես հիմա կդժվարանամ կանխատեսել, թե այս պայմաններում այս գործընթացն ինչ արդյունքի կբերի, և որքան կտևի»։
Հարցին, թե հնարավո՞ր է, որ բանակցությունները շարունակելու ու սոսկ խոստումներ տալով ԵՄ-ն մեզանից փորձի ինչ-ինչ զիջումներ կորզել Ադրբեջանի հետ խաղաղության բանակցությունների ընթացքում՝ նա նշեց, որ այս մտավախությունը լեգիտիմ է, քանի որ մենք հիշում ենք, որ ապրիլի 5-ին Բրյուսելում տեղի ունեցավ Հայաստան -ԵՄ-ԱՄՆ գագաթնաժողով և 360 մլն դոլարի դիմաց, որը պետք է փոխանցեն 4 տարում ՝ Հայաստանից կորզեցին հայ-ադրբեջանական հարաբերություններում նշաձողը կրկին իջեցնելու խոստում, որի հետևանքները մենք տեսանք Տավուշի հատվածում։
«Բնականաբար, այստեղ խնդիրն այն է, թե ինչի դիմաց ես ստանում այդ ազատականացումը։ Եթե ստանում ես որպես քո արտաքին քաղաքականության դիվերսիֆիկացիայի արդյունք, դա դրական է, իսկ եթե այդ «պրյանիկը» վերցնելու ես ազգային շահերում էական զիջումների գնալու համար՝ դա արդեն, իհարկե, բացասական է։ Այստեղ շատ կարևոր է բանակցողի մասնագիտական որակը, օրակարգ ունենալ-չունենալու հանգամանքը, այլ ուղղություններով դիվանագիտական ջանքերը։ Ի վերջո, պրոցեսն այնպես է պետք կազմակերպել, որ ՌԴ-ի զայրույթը չշարժենք, քանի որ եթե պրոցեսը փնթի արեցինք, ինչը բնորոշ է այս իշխանությանը, ապա ՌԴ-ն էլ կարող է որոշել վիզային ռեժիմի սահմանափակումներ մտցնել։ Հետևաբար, այս գործընթացը պետք է բալանսավորված արտաքաին քաղաքականության կոնտեքստում արվի»։
Անդրադառնալով գործընթացի բացասական հետևանքներին՝ նա ընդգծեց, որ ամեն բան կախված է նրանից, թե ինչպիսի կառավարման մակարդակ կա երկրում։ «Եթե արդյունավետ կառավարման համակարգը բացակայում է, ապա պետության համար կարող են բազմաթիվ ռիսկեր ստեղծվել։ Խոսքն այս դեպքում նախևառաջ արտագաղթի հանգեցնելու մասին է»։
Հարակից հրապարակումներ`
Տեսանյութեր
![](https://www.pastinfo.am/video_images/12/35450_1/f66dbddae3c8c6_66dbddae3c90a.jpg)
Տեսադարան
![](https://www.pastinfo.am/cache_image/album_main_images/1/6807/mhm0146123.thumb-270x158.jpg)
Մամուլ
- 09/07/2024 16:47 Նիկոլ Փաշինյանը շնորհավորական ուղերձ է հղել Ֆրանսիայի նորանշանակ վարչապետին
- 09/07/2024 08:57 ՔՊ-ում անհանգիստ են․ մանրամասներ փակ նիստից․ «Հրապարակ»
- 09/07/2024 08:54 Անդրանիկ Քոչարյանը ջանում է պաշտոնի նշանակել Սյունիքի հողերը Ադրբեջանին նվիրող գեներալին. «Ժողովուրդ»
- 09/07/2024 08:50 Դեսպաններից ոմանք քծնել են Փաշինյանին․ «Հրապարակ»
- 09/07/2024 08:46 Պաշտոնի հերթական չարաշահումն ու հերթական կոռուպցիոն գործարքը. ի՞նչ կապ ունի Կարեն Գիլոյանը. «Ժողովուրդ»
- 09/07/2024 08:44 ՔՊ-ում խմորումներ են․ «Հրապարակ»
- 09/07/2024 08:41 Կործանիչ «մակարդակ». պատատակի բամբասանքը՝ քաղաքական կատեգորիա. «Փաստ»
ՓԱՍՏԱԹՂԹԵՐ
- 09/02/2024 15:38 Հրատապ. Հրապարակվել է Հայաստանի և Ադրբեջանի միջև պետական սահմանի սահմանազատման և սահմանային անվտանգության հարցերով հանձնաժողովների համատեղ գործունեության մասին կանոնակարգը
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
Հարցազրույց
- 08/30/2024 20:13 Նորակառույցները զավթում են երթևեկելի գոտին ու հետիոտնի անցման տարածքը, իսկ քաղաքապետարանից դժվարանում են ասել, թե դեռ որքան են ընդլայնելու Երեւանի սահմանները
- 08/28/2024 17:49 «Միջանցքի» հարցում չպետք է շահագրգռված լինի հենց ՌԴ-ն. դա այն գինը չէ, որ արժե վճարել ռուս-ուկրաինական պատերազմում թուրք-ադրբեջանական իբր զսպվածության, բայց իրականում՝ պահանջատիրության դիմաց
- 07/23/2024 20:11 Պատահական չէ՝ երբ մեր իշխանությունները փորձում են ինչ-որ շեղում կատարել դեպի ռուսական հարթակ՝ Արևմուտքից հանկարծ հիշեցնում են կոկաինի պատմությունը. Ձյունիկ Աղաջանյան
- 06/30/2024 16:26 Սառցապատ Արարատից հրաբուխ է ժայթքելու, սա խորհրդանշելու է հայոց վերելքը․ Աշոտ դպիր Արևշատյան
Մեկնաբանություն
- 09/07/2024 11:47 Ցեղասպանագետների միջազգային ընկերակցությունն ընդունել է ԼՂ-ում ցեղասպանական գործողության վերաբերյալ բանաձև
- 09/07/2024 11:22 Քաղաքապետը քաղաքի բոլոր հրատապ խնդիրները «լուծելուց» հետո իր ավագանու թիմին հրահանգել է նախաձեռնել իմ՝ Երևան քաղաքի ավագանու լիազորությունները դադարեցնելու գործընթաց. Երիցյան
- 09/07/2024 11:03 Տեղեկատվական այս համաճարակն է ներկայիս աղետալի վիճակի հիմնապատճառներից մեկը. Վարուժան Գեղամյան
- 09/06/2024 11:03 Խնդիրը ո՛չ սրանց, ո՛չ էլ մեծամասնության մեջ է, խնդիրը մեր՝ փոքրամասնության մեջ է. Դավիթ Անանյան
Արխիվ
Արտակարգ պատահարներ
- 09/07/2024 18:25 Փրկարարները քաղաքացուն իջեցրել են «Սուրբ Հովհաննես» կոչվող մատուռից և մոտեցրել շտապօգնության ավտոմեքենային
- 09/07/2024 18:21 Բախվել է երկու «VAZ» մակնիշի ավտոմեքենա․ կա մեկ զոհ և մեկ տուժած
- 09/07/2024 12:09 Խոշոր ավտովթար՝ Լոռու մարզում. բախվել են «Mercedes»-ն ու «Ford»-ը. ընտանիքի 4 անդամներ, այդ թվում՝ անչափահասներ, տեղափոխվել են հիվանդանոց
- 09/07/2024 10:07 Հրդեհ փայտե տնակում․ տուժածներ չկան
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 09/06/2024 23:52 Հոգեբանը բացատրել է կրկնվող երազների ֆենոմենը
- 09/06/2024 22:44 Տղամարդը տարիներ շարունակ թմրանյութեր է ներարկել կնոջը և թույլ տվել տասնյակ անծանոթների բռնաբարել նրան
- 09/06/2024 18:46 Տղամարդը 15 տարվա ազատազրկման է դատապարտվել ռեզյումեում կեղծ տվյալների համար
- 09/06/2024 18:18 Հեղեղումների ժամանակ կոկորդիլոսները գրավել են հնդկական քաղաքի փողոցները
Հետաքրքիր է իմանալ
- 09/04/2024 18:54 Արևային բծերի թիվը հասել է վերջին 23 տարվա առավելագույնին
- 09/04/2024 18:27 Գործարարը սովորել է օրական ընդամենը կես ժամ քնելով՝ սթափ միտք ունենալ ու աշխատել արդյունավետորեն
- 08/31/2024 18:14 Հայտնի են սեպտեմբերին հնարավոր մագնիսական փոթորիկների օրերը. հնարավոր են խափանումներ անգամ նավիգացիայի համակարգում
- 08/29/2024 13:37 Արեգակի վրա սրտաձև բիծ են նկատել