Փաստ ինֆո

Այսօր քննչական մարմինը հունիսի 12-ի գործով հայտնել է նախաքննության ավարտ՝ 14 մեղադրյալների մասով գործն ուղարկելով դատարան։

Հիշեցնենք՝ նրանցից 4-ը բանտային կալանքի մեջ են, մնացածը՝ տնային կալանքի։

Անզեն քաղաքացիների նկատմամբ բռնություն կիրառած և ոչ մի ոստիկանի նկատմամբ մեղադրանք չի առաջադրվել։ Ասել է՝ ներկա իշխանությունն արտոնյալ ուժայինների խավ է ձևավորում՝ “ես քեզ, դու ինձ” սկզբունքով․․․ Այսինքն, ոստիկանության՝ պետության և քաղաքացու պաշտպանի դերը ստորադասված է իշխող ուժի իշխանությանը։

Այսօր վերստին հաստատվեց, որ լրջմիտ դիտարկումները, թե՝ ներկա իշխանությունները ժամանակի ընթացքում սկսեցին հակասել իրենց իսկ սկզբունքներին, ծիծաղելի է, քանզի այլևս բոլորի, մտածելու ունակ ցանկացած մարդու համար պետք է հստակ լինի, որ իշխանության եկածներին առաջնորդողն ի սկզբանե բնավ էլ սոցիալական արդարություն հաստատելը և արդարադատությունը չի եղել, բացառապես եղել է մեկ բան՝ նախորդ իշխանությունների հանդեպ վրեժն ու մաղձը, ամեն գնով՝ ընդհուպ՝ արյան գնով իշխանազավթումը՝ պետությունը՝ օրինախախտությամբ և պետական լծակների չարաշահմամբ՝ անձնական բարեկեցությանը, անձնական և թայֆայական շահին ծառայեցնելը։

Եվ 2018-ի գարնանից հենց այդ է՝ որ անում են ներկաները։

Իսկ փաշինյանի համար կարևորն այն է, թե տվյալ պահին ո՞ր կողմում է ինքը՝ իշխանությա՞ն, թե՞ ընդդիմության։ Հիշենք միայն, թե ո՞նց էր մարտի 1-ի թիվ մեկ դրոշակակրի հոգին փառավորվում, երբ Երևանը վայրագորեն ջարդուփշուր անող ամբոխը թաքստոցներից հանված մետաղյա ձողերով և մահակներով զինված՝ հարվածում էր ոստիկաններին՝ ընդհուպ ոստիկանական մահի արձանագրումը։
Հիմա այդ զանգվածին առաջնորդողը իշխանության ղեկին է և ոստիկանական մահակներով, նռնականետերով և անթույլատրելի միջոցներով թրքահպատակ իշխանությունը մերժող հայությունն է թիրախ դարձել նրա համար։

ՀՀ 1-ին նախագահը հեռանալուց առաջ իրենից հետո եկողներին “պատերազմի կուսակցություն” որակեց, հեռացողին՝ այսինքն, իրեն խաղաղության կուսակցության մեջ տեղավորելով․․․Իրականում այդ “պատերազմի կուսակցություն” անվան տակ Հայաստանի 3-րդ հանրապետությանը հաղթանակը բերողներն էին։ Իսկ “Խաղաղության կուսակցություն” անվան տակ՝ մարտի 1-ին հանգիստ քնող Տեր-Պետրոսյանն էր նախևառաջ, ով ասաց, որ դրսում իր ժողովուրդը չէ և գնաց հանգիստ քնելու՝ այդպիսով դաշտը թողնելով փաշինյանական հրահանգներին։ Բնականաբար, նաև ներկա պարտվողականները, որոնք Հայաստան պետության՝ բոլոր ճակատներում պարտվելու մեջ են իրենց հաղթանակը տեսնում՝ արդեն 6 տարի այդ ուղղությամբ տանելով ազգն ու պետությունը։

Այս պարտվողական, ձեռքերը վեր պարզած հանձնվողների նախեղակ կերպարը բոլորովին կապ չուներ և չունի խաղաղության հետ, իրենք խաղաղասեր չեն, այլ՝ վրեժի ծարավ։ Իսկ վրեժի ծարավ զանգվածին ընդամենը թավշյա հանդերձ հագցնել էր պետք, որ արվեց հակառուսական ախտով վարակված արևմտյան օթյակների և թուրքադրբեջանական տանդեմի ձեռամբ։ Եվ շարունակվում է։

Ներկա իշխանության խոստացած խաղաղության տակ պատերազմ և հայկական գործոնի, Հայաստանի պետականության վերացում պիտի հասկանալ։

Հսկայական թիվ կազմող “թաքուն” հայերով՝ Արևմտյան Հայաստան․․․

Առանց հայերի Հայկական Արցախ,

Եվ նշաձող իջեցնելու մասին անդադար խոսող․․․

Հիշում ե՞ք՝ սելֆիի ձող․․․

Վրեժի ծարավ զանգվածին թավշյա հանդերձ հագցնողներն այսօր բաց են գործում՝ իշխանությունը պահելուն աջակցելով վայրագ ոստիկանների ձեռամբ․․․

Ա․Ե․

Աղբյուր` Փաստինֆո