Փաստ ինֆո

ԱՄՆ նախկին նախագահ Դոնալդ Թրամփի նկատմամբ մահափորձ է եղել Փենսիլվանիայում նրա  ելույթի ժամանակ:

Կողմնակիցների հետ հանդիպումը հեռարձակվել է տեղի լրատվամիջոցներով, որի ժամանակ էլ ֆիքսվել է ամբողջ տեղի ունեցածը:

ԱՄՆ նախկին նախագահի ելույթը Բաթլեր քաղաքում համախոհների առջեւ տևել է ընդամենը մի քանի, այն  անսպասելիորեն ընդհատվել է , երբ քաղաքական գործիչը խոսել է անօրինական միգրացիայի խնդիրների մասին։ Հանկարծ կրակոցներ են լսվել, որից հետո բեմում գտնվող Թրամփը լռել է, ձեռքը մոտեցրել ականջին ու նստել ամբիոնի մոտ։ Թիկնապահները շրջապատել են նրան։

Մի քանի րոպե անց, երբ նա կրկին հայտնվել է տեսախցիկների առաջ, թիկնապահները նրան անմիջապես հեռացրել են, կադրերում երեւացել է Թրամփի արյունոտված ականջը:

Ոստիկանությունն արդեն հայտարարել է, որ պարզել են կրակողի ինքնությունը, հանրահավաքում Թրամփի ուղղությամբ կրակել է 20-ամյա  Թոմաս Մեթյու Քրուքսը, նա թաքնվել է բեմից մոտ 100 մետր հեռավորության վրա գտնվող բիզնես շենքի տանիքում, գրում է New York Post-ը՝ հղում անելով աղբյուրներին։

ՀԴԲ-ն հայտարարել է, որ Թրամփի վրա ծրագրվող մահափորձի մասին տեղեկություն չեն ունեցել:

Աղբյուր` Փաստինֆո