Փաստ ինֆո

Այն, ինչ հիմա անում է Փաշինյանը՝ մարզային այցելությամբ, կարելի անվանել «պլակատային պոպուլիզմ», այն Նիկոլ Փաշինյանի հետ է եկել Հայաստան։ Այս մասին «Փաստինֆոյի» հետ զրույցում ասաց հոգեբան Միհրդատ Մադաթյանն՝ ընդգծելով, որ նախկինում Հայաստանում երբևէ նման «պլակատային պոպուլիզմ» չի եղել։

«Դա դրսևորվեց «հեծանվային» պոպուլիզմով, որն այլևս իրեն սպառել է։ Եթե անգամ այն արդյունք է բերել, ապա դա շատ փոքր էր՝ 15-20 տոկոս։ Հիմա մենք ունենք, այսպես ասած՝ «Ուլյանով Լենինի՝ երեխաների բարեկամ» պրոյեկտը, որն ուղեկցվում է պաղպաղակ բաժանելու գործողությամբ։ Կարծում եմ, սա էլ շուտով իրեն կսպառի»։

Հոգեբանի դիտարկմամբ՝ նույնանման պոպուլիզմով է նաև կինն է զբաղված։ «Նա նույնպես ինչ-որ միջոցառումների է մասնակցում, ինչ-որ աշխատանքային իրավիճակներից տեսանյութեր է հրապարակում, բայց ոչ մի կերպ հնարավոր չէ հասկանալ, թե հատկապես ինչ աշխատանք է իրականացնում»։

Մադաթյանը նշեց, որ Փաշինյանը մարզեր ու հատկապես փոքր գյուղեր է այցելում, քանի որ այն խավը, որն այսօր մնացել է իրեն հավատարիմ՝ գտնվում է այդ շրջաններում։ «Բացի այդ՝ շրջաններում ապրող մարդկանց մոտ կա մի բարդույթ՝ «հայտնի մարդկանց հանդիպելու» բարդույթը, երբ տեսնում են որևէ հայտնի մարդու՝ անկախ նրանից հեռուստացույցով իրենց դուր է եկել, ն թե ոչ՝ հավաքվում են շուրջը, սկսում են մեծարել, որից հետո այդ մարդուն մասին որոշակի հիշողություն է մնում, թե նա այստեղ է եղել, այստեղ նստել է, թեյ խմել, պաղպաղակ կերել։ Հիմա պոպուլիզմի այս բաղադրիչն է գործի դնում՝ համոզված լինելով, որ այդ երեխաները հետո տուն են գնալու, պատմելու են, որ վարչապետն իրենց պաղպաղակ է հյուրասիրել։

Սրանով նա փորձում է որոշակի ռեյտինգ ստանալ՝ հուսալով, որ այնտեղից որոշակի ձայներ կհավաքի, քանի որ, այսօրվա դրությամբ, Փաշինյանի նկատմամբ տրամադրվածությունը ակնհայտ է, և եթե անգամ մինչև 2026 թ-ը իշխանափոխություն չլինի, ոստիկանության և պաշտպանության նախարարության բոլոր ուժերը կենտրոնացնելով ինքը թույլ չտա իշխանափոխություն, ապա 2026 թ-ին ոչ մի բանով չի կարողանալու կասեցնել իր ջախջախիչ պարտությունը»,- նշել է հոգեբանը։

Իրականում, ըստ Մ.Մադաթյանի, Փաշինյանն այսօր ոչ մի նոր բան չի անում, նախկինում էլ նույն պոպուլիզմն էր՝ իր հրապարակած «100 փաստերով», կամ երբ իրեն հայհոյում էին՝ ինքն ասում էր «բարև ձեզ»։ «Փաշինյանը պարզ գիտակցում է, որ ինքը ոչ մի տեղ երկրագնդի վրա չունի գնալու, իրեն ամբողջ աշխարհում չեն ընդունում, ինքն էլ ստիպված գնում է գյուղեգյուղ, հարկատուների հաշվին պաղպաղակ է հյուրասիրում՝ ակնկալելով, որ դեռ այդ համայնքերում մնացած «միամիտներն» իրեն ձայն կտան»-ասաց Մադաթյանը։

Աղբյուր` Փաստինֆո