Փաստ ինֆո

Գիտնականների միջազգային խումբը հայտարարել է մոլորակի տարբեր երկրների բնակչության շրջանում կուրության աճի մասին։ Այն ավելի շատ տարածված է Ասիայի բնակիչների շրջանում, սակայն «նոր համաճարակը» կտարածվի ամբողջ մոլորակով։

Ըստ հետազոտողների՝ մինչև 2050 թվականը կարճատեսություն կախտորոշվի մարդկության 50%-ի մոտ։ Հիվանդության նման արագ աճի պատճառը տեխնոլոգիական առաջընթացն է՝ մարդկանց հետաքրքրությունը սմարթֆոնների և համակարգիչների նկատմամբ, ինչպես նաև հեռուստացույց դիտելու նկատմամբ նրանց կախվածությունը։

Մասնագետներն ընդգծում են, որ նույնիսկ փոքր երեխաները ենթակա են այդ սովորություններին, ինչն առավել մտահոգիչ էէ։ Ներկայումս  ամենաարագ աճը նկատվում է Հարավարևելյան Ասիայի երկրներում, միաժամանակ աշխարհի մնացած մայրցամաքներում եւս  անհանգստացնող միտում է նկատվում։ Այսպես, վիճակագրության համաձայն՝ 2016 թվականին կարճատեսությամբ տառապել է 1,4 միլիարդ մարդ, իսկ 21-րդ դարի կեսերին կանխատեսվում է, որ այն կազդի 4,758 միլիարդ մարդու վրա։

Տեսողությունը պահպանելու համար գիտնականները խորհուրդ են տալիս սահմանափակել «էկրանի» նկատմամբ կախվածությունը, ամեն օր ժամանակ հատկացնել ֆիզիկական ակտիվության, մաքուր օդում զբոսնելու համար, ինչպես նաև վերահսկել սննդակարգը՝ ուտել աչքերի առողջության համար անհրաժեշտ վիտամիններով և հանքանյութերով հարուստ սնունդ, գրում է El Pais-ը։

Ավելի վաղ ակնաբույժ Անաստասիա Իգնատչիկը խորհուրդներ էր տվել, թե ինչպես ճիշտ կարդալ՝ աչքերի առողջությանը չվնասելու համար։ Նա խորհուրդ տվեց կարդալիս ընդմիջումներ անել: Յուրաքանչյուր 20 րոպե ընթերցանության համար պետք է լինի առնվազն հինգ րոպե հանգստություն:

Աղբյուր` Փաստինֆո