Փաստ ինֆո

Թերապևտներ Ֆիլիպա Քեյը և Էլի Քենոնը կանանց կոչ են արել չանտեսել սեռական օրգանների շրջանում քորը և սպիտակ բծերը, ցավոտ դաշտանները և որովայնի ստորին հատվածում անհանգստությունը: Կանանց ինտիմ առողջության հետ կապված խնդիրների ակնհայտ նշանները նրանք թվարկել են Daily Mail-ի հետ զրույցում:

Քեյը կանանց միզասեռական համակարգը զարմանալի է անվանել իր բարդությամբ. այն ձվաբջիջներ է արտադրում, պտուղ է կրում, կանանց սեռական հաճույք է պատճառում և թափոնները դուրս է բերում մեզի տեսքով: Այնուամենայնիվ, ըստ նրա, քանի որ օրգանների մեծ մասը ներսում է և մոտ է միմյանց, դժվար է ժամանակին հայտնաբերել խանգարումները և որոշել դրանց աղբյուրը: «Կանայք հաճախ համակերպվում են այդ խնդիրների հետ։ Նրանք հանդուրժում են ցավոտ սեքսը, անմիզապահությունը կամ կրկնվող վարակները, քանի որ դրանք համարում են ծերացման նորմալ ընթացք: Բայց դա այդպես չէ», - ասում է Քեյը:

Բժիշկը հորդորել է անհապաղ դիմել բժիշկներին, եթե դաշտանի ժամանակ ուժեղ ցավ, առատ արտադրություն կամ քոր է առաջանում: Նա նախազգուշացրել է, որ որոշ ախտանշաններ կարող են վտանգավոր հիվանդությունների նախանշաններ լինել, որոնց բուժումը պետք է սկսել հնարավորինս արագ: Օրինակ՝ սեռական օրգանների վրա սպիտակ բծերը, Քեյի խոսքով, կարող են քաղցկեղի մասին վկայել:

Քեյը նաև կարծում է, որ արժե այցելել գինեկոլոգին՝ սեռական օրգաններում այրող ցավի, որովայնի ստորին հատվածում անհանգստության և միզելու հաճախակի ցանկության դեպքում: Բժիշկը պարզաբանել է, որ սրանք միզուղիների ինֆեկցիաների դասական ախտանիշներ են, որոնք բավականին հեշտ են բուժվում: Սակայն թերապևտը նախազգուշացրել է, որ հաճախակի կրկնությունները կարող են վկայել երկրորդ տիպի շաքարախտի, իսկ հազվադեպ դեպքերում՝ ձվարանների քաղցկեղի մասին:

Աղբյուր` Փաստինֆո