Փաստ ինֆո

Մի քանի անգամ դիմել ենք Արցախի նախկին պաշտոնյաներին, ասել էին՝ ադրբեջանական կողմի հետ համաձայնության են եկել, արտաշիրիմում արվի ու տեղափոխվեն մարմինները, բայց օրվա ավարտին չեղարկվել է։ Պատճառ չեն նշել, ասացին ադրբեջանական կողմը չեղարկել է։ Խնդրում ենք, աղաչում ենք Հայաստանի իշխանությանը՝ տեղափոխել մեր հարազատների մարմինները։

Զոհվեցին, զոհվելուց հետո՝ մարմինը գերի մնաց։ Գոնե մարմինները տեղափոխենք ՀՀ, երկու օրվա հուղարկավորված մարմինը թողեցինք, բռնի տեղահանվեցինք, ոչ գերեզման կա, ոչ․․․։ Կորուստը շատ մեծ է, ծանր։ Երկու հարազատ եղբայր ունեի, զինծառայող, երկուսին էլ կորցրեցի՝ հենց 2023թ սեպտեմբերին։ Այս մասին կառավարության շենքի մոտ լրագրողների հետ զրույցում ասաց պատերազմում երկու եղբայրներին կորցրած, ապա՝ բռնի տեղահանված արցախցի կինը։

«Մեկը՝ Սասուն Ավանեսյանը, մարտական զոհ է, մյուսը՝ Դավիթ Ավանեսյանը, շրջափակման մեջ էր հայտնվել, սեպտեմբերի 24-ի երեկոյան հազիվ շրջափակումից ազատեցին, 25-ի առավոտյան զբաղվեց այն հարցերով, որ եղբորս շիրիմը տեղափոխեինք, մենք էլ՝ հետը տեղափոխեինք ՀՀ։ Դավիթն էլ ընկերոջը բենզինի տարածքը ցույց տալու համար, գնաց՝ այնտեղ, զանգեց, ասաց՝ ինչ-որ բան է պայթել, շունչս կտրվում է։ Գիշերը մնաց հիվանդանոցում, հետո՝ 26-ի առավոտը տեղափոխեցինք ՀՀ։ Մենք էլ՝ վշտի մեջ խելագարված, այդ պահին մտքներիս ոչինչ չէր էլ գալիս, ասեցինք՝ շուտ հասնենք ՀՀ տարածք, գոնե Դավիթին փրկենք․․․Այդպես էլ Սասունին չկարողացանք տեղափոխել։ Խնդրում ենք ՀՀ կառավարությանը՝ միջամտել, զբաղվել և լուծում տրվի»,- ասաց նա։

Աղբյուր` Փաստինֆո