Փաստ ինֆո

Ծրագրերի իրականացման ընթացքում մենք հաճախ ունենում ենք կրկինվող պրոբլեմներ։ Կրկնվող պրոբլեմներից մեկն այն է, որ երբ տարբեր ծրագրերով որևէ օբյեկտ շահագործվում է՝ հետո հասկանում ես, որ հետագա սպասարկման մասին չենք մտածել։ Օրինակ, պարզվում է՝ ոռոգման համակարգ չկա, կամ հետագա տարածքի հարդարման աշխատանքներ չեն արվում, հետևաբար սուբվենցիոն ծրագրերում լրացումներ են պետք: Այս մասին այսօրվա կառավարության նիստում ասաց ՀՀ վարչապետ Նիկոլ Փաշինյանը:

«Հիշո՞ւմ եք, երբ մարզերից մեկում բարեգործական ծրագրով մանկապարտեզ էր բացվել, համացանցում տարածված էր լայնորեն այդ մանկապարտեզի բացման հանդիսավոր արարողությունը, մեծ տոնախմբություն էր եղել, բայց 2 ամիս հետո պարզեցինք, որ այդ մանկապարտեզը փակվել է, չի աշխատում: Պարզվեց, որ պարզ չէ, թե ով է աշխատավարձ տալու այդ մանկապարտեզի աշխատողներին, ով է կոմունալ վարձերը վճարելու և այլն: Դրանից հետո մենք պարտդիր պայման դրեցինք, որ համայնքի բյուջեներում դա պետք է անպայման արտահայտված լինի:

Նույն զբոսայգիների պարագայում, ես այցերի ընթացքում տեսնում եմ, որ խնամքի պակաս կա: Գուցե այստեղ էլ պետք է լրացնենք: Նաև ոռոգման համակարգը պետք է դարձնել պարտադիր: Օրինակ, 6 ամիս հետո գնում՝ տեսնում ես այգում 2 մետր մոլախոտ է աճած:
Եթե այգի ենք կռուցում, որը մեկ տարի հետո վերածվելու է մոլախոտի, ինչպես Իջևանում են ասում՝ բռնկուտ, ինչի՞ համար ենք դա անում»,- ասաց Փաշինյանը:

Նա հավելեց, որ նույնը վերաբերում է ճանապարհներին, երբ բացումը անում են ճանապարհի, առաջին անձևրից հետո գնում, տեսնում են՝ ճանապարհ չկա.

«Ընդհանրապես չի երևում, որ այդտեղ մեկ ամիս առաջ սև ու սպիտակ գծերով ճանապարհ կար: Դա նշանակում է՝ բյուջեի գումարները տիղմի տակ ի պահ հանձնեցինք, որը ոչ մեկին պետք չի: Երբ ասում եմ՝ ո՞ւր է ճանապարհը, մարդիկ զարմանում են, ինչը նշանակում է, որ դա իրենց համար սովորական է:
Ասում են՝ «Դե հիմա ասֆալտ ենք արել, 4 անգամ անձրև է եկել, հա ի՞նչ ես կռիվ անում, բնական երևույթ է, որ տիղմը պետք է նստի, բա ի՞նչ եք ուզում: Պետք ա, լապատկա բերենք քանդենք, տեսնես, որ ասֆալտը տակն է, ամեն ինչ տեղում է»:

Այսինքն, իրենց համար դա շատ սովորական բան է, բա անձրևը եկել է, մոլախոտը աճել է: Պրոբլեմն այն է, որ մարդկանց համար դա սովորական է։ Դրա համար հիմա, որ պատկերացնում եմ զբոսայգի՝ պատկերացնում եմ մոլախոտ, ասում եմ՝ ճանապաը՝ պատկերացնում եմ մոլախոտ։ Խնդրում եմ դրա վրա ուշադրություն դարձրեք»,- ասաց Փաշինյանը:

Աղբյուր` Փաստինֆո