Փաստ ինֆո

Փորձագետը Daily Star-ին բացահայտել է համբույրների ևս մեկ օգտակար հատկություն։ Ժամադրության մարզիչ Ջեյքոբ Լուկասը պնդում է, որ համբույրն օգնում է բարելավել առողջությունը և նիհարել։

Լուկասը ասել է, որ համբույրն ամրացնում է իմունային համակարգը և առողջ է պահում ատամներն ու լնդերը, քանի որ համբույրի ընթացքում ինտենսիվորեն արտադրվում է թուք, որը պարունակում է բազմաթիվ նյութեր, որոնք օգնում են պայքարել բակտերիաների և վիրուսների դեմ։ Զույգի միջև մանրէների փոխանակումը օգնում է բարելավել առողջությունը՝ ստիպում է իմունային համակարգին աշխատել ուժեղացված ռեժիմով՝ կանխելու վարակի զարգացումը մարմնում:

Լուկասը նաև հավելել է, որ համբույրն օգնում է նիհարել։

«Կրքոտ համբույրն օգտագործում է դեմքի և մարմնի շատ մկաններ: Որոշ ուսումնասիրություններ ցույց են տվել, որ դա կարող է այրել մինչև 26 կիլոկալորիա րոպեում: Դա ավելի քան 100 կիլոկալորիա է հինգ րոպեից պակաս ժամանակում», - բացատրել է նա:

Համբուրվելիս, ըստ մասնագետի, ուղեղում արտադրվում է դոֆամին, օքսիտոցին և սերոտոնին հորմոնների կոկտեյլ, ինչի շնորհիվ մարդ ապրում է երջանկություն, ուրախություն և էյֆորիա։ Համբույրը նաև նվազեցնում է կորտիզոլի մակարդակը, ինչը նպաստում է թուլացմանը և սթրեսի թուլացմանը:

Աղբյուր` Փաստինֆո