Փաստ ինֆո

BBC-ի մարզական մեկնաբան Ջոն Հանթի կինն ու երկու դուստրերը սպանվել են բրիտանական Հերտֆորդշիր կոմսության Բուշի քաղաքում, հաղորդում է տեղի ոստիկանությունը:

Ոստիկանությունն ու շտապօգնությունը դեպքի վայր են ժամանել երեքշաբթի երեկոյան ժամը 7-ի սահմաններում և հայտնաբերել երեք կանանց, ովքեր ծանր վնասվածքներ են ստացել:

«Ցավոք, չնայած բոլոր ջանքերին, բոլոր կանայք, ովքեր ենթադրաբար ազգականներ են եղել, տեղում մահացել են։ Զոհերի տարիքը եղել է 25, 28 և 61 տարեկան», - չորեքշաբթի մամուլի ասուլիսի ժամանակ հայտնել է ոստիկանության ներկայացուցիչ Ջոն Սիմփսոնը։

Ոստիկանությունը ենթադրում է, որ հարձակվողը զինված է եղել արբալետով։

Մամուլի ասուլիսի ընթացքում Սիմփսոնը նույնպես հայտարարել է, որ ենթադրյալ չարագործի՝ Քայլ Քլիֆորդի նկատմամբ հետախուզում է հայտարարվել և դիմել է անձամբ նրան՝ կոչ անելով կապ հաստատել ոստիկանության հետ: Նա հավելել է, որ Քլիֆորդին բռնելու գործողությանը ներգրավված են ոստիկանության զինված աշխատակիցներ և մասնագիտացված որոնողական թիմեր:

Ավելի ուշ Daily Mail-ը հայտնել էր, որ սպանության զոհ են դարձել սպորտային մեկնաբան Ջոն Հանթի կինն ու երկու դուստրերը, որոնք աշխատում են BBC հեռուստաալիքում:

Հետախուզման մեջ գտնվող 26-ամյա Քայլ Քլիֆորդը Հանթի դուստրերից մեկի՝ Լուիզայի, նախկին զուգընկերն է, գրում է պարբերականը։

Աղբյուր` Փաստինֆո