Փաստ ինֆո

ՀՀ պետական սահմանի մասին օրենքում սահմանված է սահմանային գոտի և սահմանային շերտ հասկացությունները։ Սահմանային գոտի մինչև 5 կմ լայնությամբ, սահմանային շերտը՝ մինչև 1 կմ լայնությամբ։

«Սահմանային շերտին արգելվում է զենքով մոտենալ, այդ շերտում արգելվում է ոգելից խմիչք օգտագործել, ընտանի կենդանիներ արածացնել, սահմանփակումներ կան առևտրի գործունեության համար։ ԱԺ Պաշտպանության և անվտանգության հարցերով մշտական հանձնաժողովի այսօրվա նիստում ասել է ՀՀ ԱԺ «Հայաստան» խմբակցության պատգամավոր Գեղամ Մանուկյանը։

Նա նկատել է, որ Կիրանցում տեղադրված փշալալարից ընդամենը 15 մ հեռավորության վրա բնակելի տներ կան։
«Տավուշի մարզի Կիրանց համայնքում փշալարերից մոտ 15 մետրա հետո տուն է, համաձայն օրենքի՝ դա դիտվում է սահմանային շերտ, ի՞նչ ձևով եք պատրաստվում կանոնակարգել սահմանային ռեժիմները, որպեսզի Կիրանցի բնակիչների ամբողջական կենսագործունեությունը չխաթարվի։ Օրինակ՝ որևէ առիթ լինելու դեպքում արգելվելո՞ւ է խմիչքի օգտագործումը, եթե կուզի խանութ բացել, արգելվելո՞ւ է , ամբողջությամբ խաթարվելու է բնականոն գործունեությունը», - ԱԱԾ տեղակալ դիմելով հարցրել է պատգամավորը։

Սակայն պաշտոնյան պատասխան չուներ եւ առաջարկեց Գ. Մանուկյանին հարցն ուղղել գրավոր։ «Պարո՛ն Մանուկյան, Դուք վկայակոչեցիք ՀՀ օրենք, որպեսզի պատասխանը խորքային լինի՝ կառաջարկեմ հարցն ուղարկել գրավոր ընթացարկարգով», - ասաց Սիմոնյանը։

Աղբյուր` Փաստինֆո