Փաստ ինֆո

Բրիտանական բանտերի նախկին աշխատակիցները նշել են պատճառները, թե ինչու են անփորձ բանտապահները սեռական հարաբերություններ ունենում բանտարկյալների հետ: Իրենց դիտարկումներով նրանք կիսվել են Daily Mail պարբերականի հետ։

Անգլիայի փորձառու բանտապահները բանտարկյալների մոտիվացիան տեսնում են սիրուհիների միջոցով ծխախոտ, ալկոհոլ և հեռախոսներ ստանալու հնարավորության մեջ։ Հանցագործների համար սեքսը ոչ թե նպատակ է, այլ միջոց։ 27 տարի բանտապահ աշխատած Վանեսա Ֆրեյքի խոսքով՝ աշխատակիցների՝ կալանավորների հետ ինտիմ հարաբերությունների մեջ մտնելու պատճառներից մեկը կադրային փոփոխություններն են: Նախկինում բանտարկյալ տղամարդկանց համար բանտերում աշխատում էին միայն տղամարդիկ, բանտարկյալ կանանց համար՝ կանայք: 1980-ականներին իշխանությունները որոշեցին հրաժարվել այդ բաժանումից։ Այժմ քրեակատարողական համակարգի բոլոր աշխատողների 40 տոկոսը կանայք են։

Ֆրեյքը բացատրել է, որ որպես վերակացու այժմ կարելի է աշխատել 18 տարեկանից։ Նա դա սխալ է համարում, քանի որ, իր կարծիքով, փորձառու հանցագործների համար ավելի հեշտ է շահարկել երիտասարդ տղաներին և աղջիկներին, քան ավելի փորձառու աշխատակիցներին: Ֆրեյքը պատմել է, որ բանտերում աշխատակիցների պակաս կա, իսկ նորերին գրեթե չեն ուսուցանում։

Բանտապահների և հանցագործների միջև հարաբերությունների զարգացման մեկ այլ պատճառ նախկին վերակացուները համարում են կանանց՝ դեպի «վատ տղաներ» ձգտումը: Հանցագործներն օգտվում են դրանից և հմտորեն շանտաժի են ենթարկում աշխատակցուհիներին։ «Բանտարկյալը կորցնելու ոչինչ չունի, նա արդեն բանտում է», - մեկնաբանել է նախկին բանտապահներից մեկը:

Աղբյուր` Փաստինֆո