Փաստ ինֆո

Դուք ճորտի պես  արել եք այն, ինչ ասել է  մեր թշնամին, մեր կենսագրության թշնամին ու գնում եք հպարտանալու, երևի Լուլուն ամենից հզոր պաշտպանիչ ուժն է։ Օշականում լրագրողների հետ զրույցում ասել է Բագրատ Սրբազանն՝ անդրադառնալով նախօրեին քպական որոշ պատգամավորների գրառումներին, թե մարտահրավերների առաջ կանգնած Կիրանց այցելելով հպարտություն են զգում։

«Չարիքի ներկայացուցիչ են իրենք։ Հիշում  եք, որ   Ներքին Հանդ գյուղում որպես  Ոսկեպարտ պաշտպանիչ պատ էին ներկայացվել»,- նշել է Սրբազանն ու խոսքն ուղղելով իշխանություններին ասել է՝ «Դուք կներկեք դա կանաչ գույն, դեղին գույն,  փշալար կդնեք, թե ատոմային ռումբ կլինի, նշանակություն չունի։ Դուք ճորտի պես  արել եք այն, ինչ ձեզ ասել է  մեր թշնամին,մեր կենսագրության թշնամին ու գնում եք հպարտանալո՞ւ։ Երևի Լուլուն ամենից հզոր պաշտպանիչ ուժն է»։

Սրբազանն ուշադրություն հրավիրեց այն փաստի վրա, որ իշխանական պատգամավորները խուսափել են հանդիպել Կիրանցի ժողովրդի հետ։ «Եթե այդքան ճշմարիտ էին, ապա ինչո՞ւ մարդկանց չեն հանդիպել, որոնց կյանքն ուղղակի կապված է այդ փշալարի հետ։ Ինչո՞ւ էն խեղճ Ցականյանին էլ հետները տարել են, որ ի՞նչ անի։  Երեք իմաստով էլ չարիք արարող են », - ասաց սրբազանը։

Աղբյուր` Փաստինֆո