Փաստ ինֆո

Քպականներին պարգեւատրելու համար ՀՀ կառավարությունը միջոցներ ունի, սակայն սահմանամերձ գյուղերի՝ ռազմավարական նշանակության ենթակառուցվածքները վերանորոգելու համար՝ ոչ։

«Փաստինֆո»-ն արդեն հաղորդել է, որ առատ տեղումների պաճառով քանդվել են սահմանամերձ Մովսես գյուղի ճանապարհները, որոնք վերանորոգելու ուղղությամբ քայլեր չեն ձեռնարկվում։ ՀՀ Տավուշի մարզպետարանի տարածքային կառավարման և տեղական ինքնակառավարաման հարցերի վարչության պետ Աղաբեկ Գալստյանը «Փաստինֆո»-ին վստահեցրեց, որ խնդրին տեղյակ են։

«Երեք օր առաջ Մովսես գյուղում էի, բոլոր խնդիրների մասին տեղյակ եմ։ Իմացե՛ք, որ Տավուշի սահմնամերձ գյուղերը միշտ են մեր ուշադրության կենտրոնում ՝ Չինարին, Մովսեսը, մյուս գյուղերը», - պնդեց Աղաբեկյանը՝ ավելացնելով, որ ճանապարհները դեռ չեն վերանորոգել, քանի որ սպասում են սելավները ավարտվեն։

Ասել է թե՝ անձրեւները շարունակվելու դեպքում դրանք կշարունակեն այդպես քանդված մնալ, իսկ հետո էլ կասեն, դե արդեն աշուն է, ապա՝ ձմեռ ու սահմանամերձ գյուղի ենթակառուցվածքներն այդպես էլ կմնան քանդված։

Ըստ Աղաբեկյանի՝ գյուղի ճանապարհները գրեթե ամեն տարի քանդվում են, որի հիմնավոր լուծման համար ֆինանսական միջոցներ են անհրաժեշտ։ «Խնդիրը գլոբալ լուծում է պահանջում, ամեն տարի սելավները քանդում են դրանք,մեր գյուղն էլ է այդպիսին, ես խնդրին վաղուց եմ ծանոթ, գլոբալ լուծման համար հսկայական ֆինանսներ են հարկավոր, կարելի է տուֆապատել, բայց թանկ է, իսկ քանի դեռ նման կերպ հարցի լուծում չկա, ամեն տարի էլ նորոգում են», - ասաց Գալստյանը։

Կառավարությունը սահմանամերձ գյուղերից արտագաղթը կանխելու, այն է՝գյուղում նորմալ բնականոն կյանքը երաշխավորող ենթակառուցվածքներն ապահովելու փոխարեն գումարները ուղղում է քպականներին պարգեւատրելու, բռնություն կիրառող բերետավորներին խրախուսելու համար։

Ինդ վերաբերում է գյուղի լուսավորությանը, ապա բնակիչների այս ահազանգերը եւս ճիշտ էին։ Ա. Աղաբեկյանը պնդեց, որ լուսավորությունից գյուղը զրկվել էր լամպերի անսարքության պատճառով։

«Փոքր գյուղի գյուղապետն իրավունք չունի լուսավորության հարցն ինքնուրույն լուծել, քանի որ լամպերը թանկարժեք են , դրանք համայնքը՝ մրցույթ հայտարարելու միջոցով է ձեռք բերում՝ բոլոր գյուղերի համար։Ես քիչ առաջ խոսեցի, ասացին, որ լամպերն արդեն ձեռք են բերել , սկսելու են փոխել», - ասաց Աղաբեկ Գալստյանը։

Աղբյուր` Փաստինֆո