ԲՈԼՈՐ ՆՅՈՒԹԵՐԸ
Զարուհի Փոստանջյանը և Նիկոլ Փաշինյանի փաստաբանը հաղորդումներ են ներկայացրել միմյանց դեմ․ Փոստանջյանն ահազանգում է իր հեռախոսը խլելու և ձեռքը վնասելու մասին, Փաշինյանի փաստաբանը՝ իրեն ահաբեկելու 07/03/2024 19:48 | ԼՐԱՀՈՍ
![](https://www.pastinfo.am/news_images/598/1792869_1/f66857448008d8_668574480091c.thumb.jpg)
Փաստաբան Զարուհի Փոստանջյանը պահանջում է քրեական պատասխանատվության ենթարկել և արտոնագրից զրկել Նիկոլ Փաշինյանի փաստաբանին ՝ Արման Ներսիսյանին։ Վերջինս էլ պահանջում է պատասխանատվության ենթարկել Փոստանջյանին՝ իրեն հոգեբանորեն ճնշելու և այդպիսով փաստաբանի օրինական գործունեությանը խոչընդոտելու համար։
Միջադեպը տեղի է ունեցել երեկ՝ Երևանի ընդհանուր իրավասության քաղաքացիական դատարանի բակում՝ «Նիկոլ Փաշինյանն ընդդեմ Զարուհի Փոստանջյանի» գործով դատական նիստից հետո։ Նշված հայցը, հիշեցնենք, ներկայացվել էր դեռևս 2021թ․։ Դատարանը որոշել էր մի մասով բավարարել հայցապահանջը՝ պարտավորեցնելով Զարուհի Փոստանջյանին հերքում տարածել՝ 5000 տպաքանակ ունեցող օրաթերթում, ինչը, սակայն, չի իրականացվել, Զարուհի Փոստանջյանի պնդմամբ՝ դրա անհնարինության պատճառով, քանի որ ՀՀ-ում այլևս 5000 տպաքանակ ունեցող թերթ չկա․ «Նիկոլ Փաշինյանն անցյալ տարի նույնիսկ Հայաստանի Հանրապետություն թերթն է փակել, այդ թվում՝ իր այդ՝ «Թուրքական ժամանակը»»,- մեզ հետ զրույցում ասաց Փոստանջյանը։ Դատական ակտը չկատարելու վերաբերյալ գործով այժմ քրեական հետապնդում է իրականացվում Փոստանջյանի նկատմամբ, նրա գնահատմամբ՝ «Նիկոլ Փաշինյանի նախաձեռնությամբ»։ Հայցադիմումը՝ փոխհատուցման պահանջի մասով մերժվել էր, ինչը բոլոր ատյաններում բողոքարկման արդյունքում կրկին քննարկման առարկա է դարձվում առաջին ատյանի դատարանում, այս անգամ՝ Նիկոլ Փաշինյանի նոր փաստաբանի ներգրավմամբ։ Հենց այս գործով նիստից հետո էլ տեղի է ունեցել միջադեպը։
Զարուհի Փոստանջյանը «Փաստինֆո»-ի հետ զրույցում ասաց, որ նախկինում Նիկոլ Փաշինյանի շահերը ներկայացնում էր այլ փաստաբան, որն առավել զուսպ էր պահում իրեն, արտառոց վարքագիծ չուներ։
«Նախնական նիստի գործընթաց է տեղի ունենում, նիստն ավարտվեց, դուրս ենք եկել արդեն դատարանի դահլիճից, բարձրացանք, աստիճաններով, որ արդեն դուրս ենք գալիս, իրեն շատ ագրեսիվ էր պահում, ինչ-որ բառեր էր ասում՝ իրեն նույնականացնելով Նիկոլ Փաշինյանի հետ, կարծես ինքն էր վիրավորվում, զրպարտվում Նիկոլ Փաշինյանի փոխարեն։ Խոսելիս ասացի, որ եթե այդպես է, նկարեմ, որ ցույց տամ՝ ով է Նիկոլ Փաշինյանի փաստաբանը, այդ պահին, որ արդեն ուզում էի հեռախոսով նկարել, ձեռքիցս քաշեց հեռախոսս, վերցրեց, ձեռքս՝ վնասվեց, հեռախոսս բավականին՝ մի քանի րոպե պահեց իր մոտ, հետո՝ տվեց կարգադրիչներից մեկին։ Ասացի՝ սպասիր, զանգում եմ ոստիկանություն, հաղորդում՝ ներկայացնեմ։ Չսպասեց, նստեց մեքենան և դիմեց փախուստի»,- երեկ տեղի ունեցած դեպքից մանրամասներ հայտնելով ասաց Զարուհի Փոստանջյանը՝ տեղեկացնելով, որ Նիկոլ Փաշինյանի փաստաբանը նաև հայտնել էր, որ ինքն է պատրաստվում հանցագործության մասին հաղորդում ներկայացնել՝ հանրային վայրում իր անձնական տվյալի իբրև հավաքագրման համար։ Փոստանջյանը հայտնեց, որ և՛ հանցագործության մասին հաղորդում է ներկայացրել, և՛ գրավոր բողոքով դիմել է փաստաբանների պալատին՝ պահանջելով զրկել նրան արտոնագրից։ Փոստանջյանը կասկածում է, որ քրեական վարույթ նախաձեռնվի։ Նշենք, որ մեր զրուցակիցը ֆեյսբուքյան էջում հրապարակել է նաև տեսանյութ՝ հեռախոսը խլելու հետևանքով ցուցամատի կապտուկի մասին։ Հաղորդումը Փոստանջյանը ներկայացրել է Զեյթունի բաժնում՝ փոխանցլով այն ոստիկաններին, սպասել է, սակայն առ այս պահը որևէ նորություն չունի՝ վարույթի նախաձեռնման մասին։
«Ինչքան կարելի է հայ ազգին այսպես ծաղրել, գիտեք՝ այսքան տառապանքից հետո, շարունակել ցեղասպանների՝ իշխանությունների պահելը սարսափելի է, բնականոն ընթացք կարծես լինի, բոլորս արդեն սովորել ենք, որ ապօրինությունները համընդհանուր բնույթ են կրում, սա ինչ է, եթե իրենք տարան 5000 երեխայի գլուխը կերան, պետությունը վերացրեցին, Արցախը հանձնեցին։ Տվյալ անձը համարձակվել էր Նիկոլի իրավունքները, լիազորագիր էր ստացել Նիկոլ Փաշինյանից, պատրաստ էր պնդել՝ հայցն իմ դեմ, բայց պատրաստ չէր, որ ինքը պետք է հրապարակավ հայտնի լինի՝ որպես Նիկոլ Փաշինյանի փաստաբանը, դրան պատրաստ չէր, այսինքն՝ լուսանկարի խնդիրը տեսավ, որովհետև դրան պատրաստ չէր։ Այսինքն՝ կարծում են, որ կարող են ծածուկ լինել Փաշինյանի կողմնակիցը, բայց դրա մասին ոչ ոք չիմանա, այդպես չի լինելու։ Կոմպլեքսավորվում են։ Ի՞նչ եմ ասել։ Այս անձին Գրիգոր Մինասյանի և Կարեն Անդրեասյանի ընկերություններ է ընտրել, որ ներկայացնի Նիկոլի իրավունքները։ Ես ասել եմ, որ Նիկոլը գործակալ է, պայմանավորվածությունների ներքո, վարձատրության ներքո հանձնել են մեր հողերը, հայրենիքը, նրան նախորդ իշխանություններն են բերել Խորհրդարան։ Հանրահայտ փաստեր են, անգամ՝ վիճարկման ենթակա չէ, բոլորն են այդ մասին խոսում, ինքն անգամ ասում է, որ թուրք բառից չի վիրավորվում»,- ասաց Զարուհի Փոստանջյանը՝ նշելով, որ բոլորը հաշվվում են՝ ապագայի համար․ «Այնպես չէ, որ երիտթուրքերի կառավարությունը պատասխանատվության չի ենթարկվելու, իհարկե բավականին երկար տևեց։ Ինչքան ավել են մնալու, այնքան՝ ցեղասպանությունը և հայրենազրկումը շարունակվելու է»։
Տեղի ունեցած միջադեպի մասին այլ դիրքորոշում ունի մյուս կողմը՝ փաստաբան Արման Ներսիսյանը, որը ևս հանցագործության մասին հաղորդում է ներկայացրել՝ բարձրացնելով Փոստանջյանին պատասխանատվության ենթարկելու հարցը։ Ներսիսյանը «Փաստինֆո»-ի հետ զրույցում պատմեց, որ դեռևս նիստերի դահլիճում վիրավորական արտահայտություններ են հնչել իր վստահորդի՝ Նիկոլ Փաշինյանի, և «Քաղաքացիական պայմանագիր» կուսակցության հասցեին, իսկ ինքը, տեսնելով, որ այլ քաղաքացիներ ևս կան, խնդրել է լռել, սակայն Փոստանջյանն իբրև չի ենթարկվել իր հորդորներին, խնդրանքներին, շարունակել է վիրավորական արտահայտություններ անել։ Ներսիսյանի խոսքով՝ երբ դուրս է եկել, որ հեռանա՝ Փոստանջյանն իրեն մեղադրում էր, թե ինչու է պաշտպանում Նիկոլ Փաշինյանին, իսկ երբ ինքը հորդորել է իր նկատմամբ ներգործություն չունենալ, Փոստանջյանը հանել է հեռախոսը․ «Սկսել է ահաբեկել, թե նկարելու է՝ խայտառակելու»։
Փաստաբանը պնդեց, թե ինքը որևէ բռնություն չի գործադրել, մատին չի կպել, պարզապես՝ փորձել է ձեռքով ծածկել հեռախոսը, որ իրեն չլուսանկարեն։ Վնասվածք հասցնելու վերաբերյալ պնդումները, ըստ Ներսիսյանի, խեղաթյուրված է, ինքն ունի ձայնագրություններ, որում լսվում է, թե ինչպես է դատական նիստից հետո իրեն վիրավորում։ Ըստ նրա՝ Փոստանջյանի մատը վնասվել է պատահաբար, երբ հեռախոսը փորձել է չեզոքացնել՝ իր իրավունքների պաշտպանության համար, քանի որ իր լուսանկարը անձնական տվյալ է, կենսաչափական տեղեկատվություն է պարունակում, որը չի կարող հայտնվել հեռախոսում՝ առանց իր համաձայնությանբ։ Դիտարկմանը, որ Զարուհի Փոստանջյանի հեռախոսը, որն ինքը վերցրել էր, ևս անձնական տվյալներ է պարունակում, փաստաբանն արձագանքեց՝ ինքը հեռախոսի պարունակությունը չի դիտել։ Ինչ վերաբերում է հանրային վայրում գտնվելու հանգամանքին, ապա փաստաբանի դիտարկմամբ՝ դեպքը տեղի չի ունեցել հանրային վայրում, այլ՝ դատարանից դուրս և ինքն իր մասնագիտական գործառույթներն իրականացնելուց հետո արդեն որպես մասնավոր անձ էր հանդես եկել։ Ըստ նրա՝ Զարուհի Փոստանջյանն իրեն սադրել է, հետևաբար, գտնում է, որ դիտավորյալ է ամեն ինչ արել՝ սկանդալի համար։
Փաստաբան Արման Ներսիսյանը հանցագործության մասին հաղորդում է ներկայացրել՝ պահանջելով քրեական վարույթ նախաձեռնել փաստաբանի մասնագիտական գործունեությանը խոչընդոտելու հատկանիշներով, քանի որ իր նկատմամբ ճնշում է գործադրվել հոգեբանորեն։
Հեղինակ՝ Իզաբել Սահակյան
Հարակից հրապարակումներ`
Տեսանյութեր
![](https://www.pastinfo.am/video_images/12/35380_1/f668804d9f1d6c_668804d9f1dac.jpg)
Տեսադարան
![](https://www.pastinfo.am/cache_image/album_main_images/1/6806/mhm0156502.thumb-270x158.jpg)
Մամուլ
- 07/06/2024 08:17 Ինչն է խանգարում կանոնակարգի ընդունմանը․ «Հրապարակ»
- 07/06/2024 08:13 Ինչու են կարմիր բերետները հսկում ՔՊ գրասենյակը․ «Հրապարակ»
- 07/06/2024 08:10 Իշխանական էլիտան հարսանիքի է պատրաստվում․ «Հրապարակ»
- 07/06/2024 08:06 Սկսվել է ՀՀ տնտեսական հսկաների փլուզումը․ «Ժողովուրդ»
- 07/06/2024 08:03 Արեւմուտքի քավորությամբ՝ Փաշինյանը կկատարի Ադրբեջանի պահանջը ատոմակայանը կփակի․«Հրապարակ»
- 07/06/2024 07:58 Վճռաբեկ դատարանի նախագահի և ամուսնու` Առողջապահական եւ աշխատանքի տեսչական մարմնի ղեկավարի տեղակալի հայտարարագրերը չեն համապատասխանում իրար․ «Ժողովուրդ»
- 07/06/2024 07:55 Կառավարություն հո չէ, «ցնցող նվաճումների» էպիկենտրոն է. «Փաստ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 06/30/2024 16:26 Սառցապատ Արարատից հրաբուխ է ժայթքելու, սա խորհրդանշելու է հայոց վերելքը․ Աշոտ դպիր Արևշատյան
- 06/19/2024 13:30 Փողոցով իշխանության գալը ՔՊ֊ի մենաշնորհն է, մյուսներին հակացուցված է
- 06/03/2024 20:11 Էն մարտավարությունը, որ կար նախկինում, երբ մեկ ոստիկանի ցուցմունքով մարդկանց կալանավորում էին, Սրբազանի շնորհիվ փոխվեց. Հարությունյան (տեսանյութ)
- 05/28/2024 20:29 Մենք համարում ենք, որ կառավարության քայլերը ճիշտ չեն, բայց դեմ չենք դրան,վերապահումներով, բայց աջակցում ենք կառավարության ջանքերին. Խզմալյան
Մեկնաբանություն
- 07/05/2024 15:39 ՀՀ-ն ինքնիշխան, ժողովրդավարական, սոցիալական և իրավական պետություն է. Ֆրանսիայի դեսպանի շնորհավորանքը
- 07/05/2024 13:15 Վայ «հետաքննությունների» սիրահարներին խորհուրդ կտամ միայն ուսումնասիրել իշխանական պատգամավորների ունեցվածքը` համեմատություններ անելով մինչ 2018 թվականը և դրանից հետո. Գառնիկ Դանիելյանը՝ ՀԺ-ին
- 07/05/2024 12:40 Մեր երկրի Սահմանադրությունն այսօր գտնվում է խորը ճգնաժամի մեջ. Արսեն Բաբայան
- 07/05/2024 12:11 Թուրքիան Ադրբեջանի բերանով պահանջում է փոխել Հայաստանի սահմանադրությունը, քանի որ տեսավ հնարավորություն. Գեղամյան
Արխիվ
Արտակարգ պատահարներ
- 07/05/2024 20:30 Երևան-Սևան ավտոճանապարհին դուրս է եկել ճանապարհի երթևեկելի հատվածից, բախվել մոտակա ծառին և հայտնվել ձորակում․ կան տուժածներ
- 07/05/2024 10:30 Ամիրյան փողոցի բնակարաններից մեկում 30-ամյա բնակիչը փակվել է ներսում ու փորձել ինքնասպան լինել
- 07/04/2024 23:52 Աշտարակի խճուղում բախվել են «Mercedes-Benz» և «Nissan» մակնիշների ավտոմեքենաները․ կա տուժած
- 07/04/2024 15:31 Բախվել են ավտոմեքենաներ. կան տուժածներ
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 07/05/2024 18:41 Կոմայից դուրս եկած աղջիկը պատմել է դրախտի ու Աստծո հետ զրույցի մասին
- 07/05/2024 17:38 Մոսկվայում գեղեցկության մրցույթը խառնաշփոթի է վերածվել. աղջիկներից մեկը սխալմամբ վերցրել է մյուսի թագն ու հեռացել
- 07/04/2024 23:56 Երկու ուսուցչուհիների ձերբակալել են՝ երեք դեռահասների հետ սեքսի համար
- 07/04/2024 18:46 Ինչու են 45 տարեկանից բարձր կանայք նախընտրում ավելի երիտասարդ տղամարդկանց. բլոգերը նշել է մի քանի պատճառ
Հետաքրքիր է իմանալ
- 07/01/2024 17:32 Հումորը հանում է սթրեսը և օգնում է բարելավել հաղորդակցությունը. հոգեբան
- 06/30/2024 21:32 Պոտենցիալ վտանգավոր աստերոիդն անցել է Երկրի կողքով՝ 300 հազար կմ հեռավորության վրա
- 06/28/2024 13:46 Փաստաթղթում տառասխալի պատճառով բանտից ազատ է արձակվել վտանգավոր հանցագործ
- 06/27/2024 18:18 Քաղաքապետարանում աշխատող ռոբոտն ինքնասպան է եղել