Փաստ ինֆո

Հերթական փուլն ենք տեսնում, հայտարարվել է, որ շարժումը մտնում է վերաֆորմատավորման փուլ, այսինքն այս թվացյալ պասիվությունը պայմանավորված է նրանով, որ բավական լուրջ «տնային» և քարոզչական աշխատանք է տարվում։ «ՓաստԻնֆոյի» եթերում ասել է քաղտեխնոլոգ Վիգեն Հակոբյանը։

Բանախոսի դիտարկմամբ, շարժումը փորձում է ընդլայնել իր աշխարհագրությունը, ավելի մեծ զանգվածների ներգրավել և դրանց մի հատվածին ներգրավել որպես ակտիվ գործող անձիք՝ հետագա ակցիաներում և գործողություններում։ Բագրատ սրբազանը քարոզչական աշխատանք է վարում, որը իր հաղթաթղթերից մեկն է։ Նկատելի է, որ շարժումը չի ցանկանում չարաշահել միտինգային ռեսուրսները։ Շամանակն է, որպեսզի շարժումը ունենա շատ ավելի ընդգծված քաղաքական բովանդակություն։ Հոգևորը և քաղաքականը պետք է զուգորդվեն։

Անդրադառնալով մի շարք երկրներում տեղի ունեցող արտահերթ ընտրություններին, բանախոսը նշեց, որ, թե՛ Իրանում, թե՛ Ֆրանսիայում տեղի ունեցող ընտրությունները ազդելու են միջպետական հարաբերությունների և մեր տիպի երկրների դեպքում, նաև, ներքաղաքական իրադրության վրա։ Իրանը, լինելով, ինստիտուցիոնալ և խորքային պետություն, արտաքին քաղաքականության հիմնական ուղղություններում դժվար թե կտրուկ փոփոխություններ լինեն։

Ֆրանսիայում ավելի լուրջ է իրավիճակը, քանի որ քաղաքական սպեկտորի փոփոխություն է տեղի ունեցել։ Դրանով է պայմանավորված, որ Մակրոնը ստիպված էր արտահերթ ընտրություններ նշանակել, որտեղ իր քաղաքական ուժը պարտություն կրեց։ Կարող են սահմանափակվել Մակրոնի ամբիցիաները։

Ինչ վերաբերում է ԵՄ-ին Հայաստանի անդամակցության վերաբերյալ Ն․ Փաշինյանի հայտարարությանը, ապա բանախոսը նշեց, որ Հայաստանի այսօրվա ղեկավարի դիրքորոշման վրա ազդում են Եվրոպայում տեղի ունեցող զարգացումները։ Եվրոպայում վերջին մեկ-երկու ամսում քաղաքական տրամադրություններ և հեռանկարներ են փոխվել, քանի որ իշխանության են գալիս կամ իշխանություն են կիսում այն ուժերը, որոնք բավականին սկեպտիկ են վերաբերվում ԵՄ-ին։

Ըստ բանախոսի, Փաշինյանը հասկանում է, որ Արևմուտքում կարող է վեկտոր փոխվել, բացի այդ, կորցնում է իր հիմնական հովանավորներին, ի դեմս Մակրոնի։ Սկսեցին փոխվել նաև ԵՄ բարձրաստիճան չինովնիկներ, որոնք «վարում էին» հայաստանյան քաղաքականությունը և հովանավորում էին Փաշինյանին։ Սա որևէ օպտիմիզմ չի կարող առաջացնել Փաշինյանի մոտ, ուստի գերադասում է չշտապել։

«Իր բնավորության համաձայն, ԵՄ ռեֆերենդումի գաղափարը Ն․ Փաշինյանը դնում է սակարկության՝ ցույց տալով Ռուսաստանին, որ կարող է դա անել կամ չանել։ ԵՄ-ին էլ ցույց տալիս, որ բացի հայտարարությունից, այս վարչախմբի համար որևէ կոնկրետ քայլ չի արել»,- ասել է Վ․ Հակոբյանը։

Մանրամասները՝ տեսանյութում։

Աղբյուր` Փաստինֆո