Փաստ ինֆո

Հումորը բարենպաստ ազդեցություն է ունենում կյանքի վրա, օգնում է կապ հաստատել և ազատում է սթրեսից՝ նշել է հոգեբան Դենիս Խակիմովը։ Նրա խոսքով, նաև հումորի շնորհիվ կարելի է հասկանալ բարդ ու ոչ միանշանակ իրավիճակները։

Մասնագետը բացատրել է, որ ծիծաղը հանում է սթրեսը, քանի որ երբ մարդը ծիծաղում է, մի փոքր կտրվում է իրավիճակից և խնդրին զվարճալի տեքստ տալիս։ Սրա պատճառով մեղմվում են որոշ ֆորսմաժորներ և անսպասելի տհաճ իրավիճակներ։ Հումորը կարող է օգտագործվել նաև բարդ իրավիճակները հասկանալու համար, քանի որ այն նվազեցնում է լարվածությունը և մեծացնում մտածողության և գործողությունների ճկունությունը:

Հոգեբանի խոսքով՝ ծիծաղը համախմբում է մարդկանց և օգնում է կապ հաստատել։ Երբ մարդիկ զվարճանում են, նրանք կիսում են աշխարհի ընդհանուր տեսլականը, և լարվածության ու կոնֆլիկտայնության աստիճանը նվազում է: Բացի այդ, եթե մարդ կարող է կատակել իր մասին, ուրեմն ինքնահեգնանք ունի, իսկ սա հասուն ու առողջ անհատականության նշան է՝ ասում է Խակիմովը։

Աղբյուր` Փաստինֆո