Փաստ ինֆո

Մենք ընդգծել ենք մեր սկզբունքային դիրքորոշումը Պաղեստինի հարցի նկատմամբ, մենք չենք ճանաչում մանկասպան սիոնիստական ռեժիմը. մենք ողջունել ենք Հայաստանի որդեգրած դիրքորոշումը՝ Պաղեստինի պետությունը ճանաչելու և Պաղեստինի ժողովրդին աջակցելու հարցում: Այս մասին այսօր ՀՀ-ում Իրանի դեսպանատանը բացված ընտրատեղամասում քվեարկությունից հետո՝ լրագրողների հետ զրույցում ասաց ՀՀ–ում Իրանի արտակարգ և լիազոր դեսպան Մեհդի Սոբհանին։

«Այս քաջ և դրական քայլը, որ կատարվեց ՀՀ-ի կողմից, ցույց է տալիս, որ միջազգային հանրությունը կարևորում է Պեղեստինի ժողովրդի իրավունքները և դեմ է իրավունքների խախտմանը, որ դրսևորվում է սիոնիստական ռեժիմի կողմից Պաղեստինի ժողովրդի նկատմամբ:

Այն երկրները, որոնք աջակցում են Պաղեստինի ժողովրդին և նրա իրավունքները, դրանք պատմության ճիշտ կողմում են գտնվում: Այն հանցագործությունները, որ իրականացվում են սիոնիստական ռեժիմի կողմից, հայտնի են աշխարհում: Ով լռում է՝ մասնակից է սիոնիստական ռեժիմի կողմից կատարված հանցագործություններին»:

Հարցին՝ ինչպիսին կլինի Իրանի արձագանքը՝ Ադրբեջանի կողմից Հայաստանի դեմ հնարավոր ագերսիայի դեպքում, Իրանն ինչպիսի գործողությունների կարող է դիմել՝ դեսպանը պատասխանեց, որ եթե երկրները խաղաղության մասին երկխոսության մասին են խոսում, ապա Ադրբեջանը չպետք է խոսի սպառնալիքի լեզվով։

«Ինչ վերաբերում է Հայաստանի հետ մեր համագործակցության ձևին, դա կախված է ՀՀ կառավարությունից: Մենք մեր պատրաստակամությունն ենք հայտնել փոխադարձ ընկալումների հիման վրա, այն ինչ կբխի մեր երկու երկրների շահերից, մենք բոլոր ոլորտներում պատրաստ ենք համագործակցել Հայաստանի հետ»:

Աղբյուր` Փաստինֆո