Փաստ ինֆո

ՌԴ-ի Վիդնըյ քաղաքում հայերը «Նիվա» - ով վրաերթի են ենթարկել ինքնագլորով երթևեկող աղջկան. նրանք դրիֆտ են կատարել և մեծ արագությամբ դուրս եկել հանդիպակաց փողոց: Անհաջող ֆինտից հետո տուժածը մի քանի մետր թռել է եւ գլծի հատվածում հարված ստացել։ Մինչ դեպքի վայր էր հասնում շտապօգնությունը, գրեթե ուշագնաց վիճակում պառկած տուժած աղջիկը լսում էր, թե ինչպես են վթարի մեղավորների հարազատները քննարկում ժամանած ոստիկանների հետ, թե ինչպես «կոծկել» գործը: Ուժայիններին շրջապատած հայերն առաջարկում էին «պայմանավորվել» նաեւ տուժածին. ինչպես նա պատմել է, իրեն գրեթե սպանած վարորդից ալկոհոլի հոտ էր գալիս, հայտնում է Readovka տելեգրամյան ալիքը։ 

Երբ աղջկան ուղեղի ցնցումով, կապտուկներով և փափուկ հյուսվածքների վնասվածքով տեղափոխել են հիվանդանոց, վարորդի հարազատները ժամանել են այնտեղ և երկար ժամանակ շփվել բժշկի հետ, որը բժշկական զննությունից հետո հանկարծ հայտարարել է, որ անշարժացած տուժածը պետք է կանգնի և իր ոտքով գնա տուն, իբր, նա լուրջ վնասվածքներ չունի։ Այդ ժամանակ աղջկա ընտանիքը շտապօգնություն է կանչել, որն աղջկան տեղափոխել է Պոդոլսկի հիվանդանոց, որտեղ նրան լուրջ վնասվածքներ են ախտորոշել եւ հոսպիտալացրել։ Այնտեղ նույնպես հայտնվելհայ ընտանիքը՝ 50 հազար ռուբլի ստանալու դիմաց աղջկան խնդրել են ոստիկանություն դիմում չգրել։

Readovka — ն կապ է հաստատել Նիվա»- ի սեփականատիրոջ հետ. հեռախոսը վերցնող Արմեն Ավագյանը հայտարարել է, թե իբր մեքենան վաճառել է մեկ տարի առաջ, թեեւ ինքն է վճարել վթարի տուգանքը, որում, ամենայն հավանականությամբ, անձամբ էլ վրաերթի է ենթարկել աղջկան: Ընդ որում՝ Արմենը ճանապարհային երթևեկության կանոնների կոպիտ խախտող է. վերջին ամսվա ընթացքում նա ունի ինը տուգանք, այդ թվում՝ հետիոտներին ճանապարհը չզիջելու համար։ Տուժողը վստահ է, որ իրեն վրաերթի ենթարկած անձը հարբած է եղել եւ վախենում է, որ գործը «կփակի» հայկական սփյուռքը. նրա փաստաբանին մինչեւ հիմա չեն ցույց տվել վարորդի բուժզննման արդյունքները: Իրավիճակին ուշադրություն են դարձրել «Հյուսիսային մարդ» շարժման ներկայացուցիչները, որոնք մտադիր են արդարության հասնել:

Աղբյուր` Փաստինֆո