Փաստ ինֆո

Կանացի առողջությունը պահպանելու համար անհրաժեշտ է լիարժեք հանգստանալ և հետևել անձնական հիգիենայի պարզ կանոններին, ասել է La Salute կլինիկայի առաջատար մանկաբարձ-գինեկոլոգ, գինեկոլոգ-էնդոկրինոլոգ, վիրաբույժ Թինա Գադիատին: Բժիշկն այս մասին խոսել է «Лента.ру»-ի հետ զրույցում:

Բժշկի խոսքով՝ իր առողջության մասին հոգացող յուրաքանչյուր կին պետք է առնվազն տարին մեկ անգամ (իսկ իդեալական դեպքում՝ վեց ամիսը մեկ) այցելի գինեկոլոգին նույնիսկ գանգատների բացակայության դեպքում։ "Կանխարգելիչ զննումը թույլ է տալիս ամենավաղ փուլերում հայտնաբերել բազմաթիվ կանացի պաթոլոգիաներ, որոնք սկզբում կարող են ասիմպտոմատիկ լինել։ Եվ ցանկացած դիսկոմֆորտի, որովայնի շրջանում ցավի, ատիպիկ արտադրությունների, քորի և այրումների, դաշտանի ուշացման կամ անկանոն ցիկլի առկայության դեպքում ամենևին չարժե զբաղվել ինքնաբուժմամբ: Կարևոր է հնարավորինս շուտ այցելել բժշկի», — կոչ է արել Գադիատին։

Կանանց առողջությանը հսկայական վնաս են հասցնում վարակները, որոնք փոխանցվում են սեռական ճանապարհով եւ երկար ժամանակ կարող են ընթանալ կամ թույլ արտահայտված ախտանշաններով, կամ ընդհանրապես առանց ախտանշանների, հավելել է մանկաբարձ-գինեկոլոգը: Նա ուշադրություն հրավիրեց այն փաստի վրա, որ նույնիսկ իր զուգընկերոջ հանդեպ լիակատար վստահության դեպքում չպետք է կորցնել զգոնությունը և մոռանալ պաշտպանիչ միջոցների մասին:

Պահպանակները, իհարկե, չեն տալիս բոլոր հիվանդություններից պաշտպանության 100% երաշխիք, բայց, այնուամենայնիվ, խոչընդոտ են հանդիսանում սեռական ճանապարհով փոխանցվող վարակների համար: Եթե ունեք նոր զուգընկեր, արժե այցելել գինեկոլոգին և հանձնել անհրաժեշտ թեստեր։

Բժիշկը նաև խորհուրդ է տվել վերահսկել քաշը: Նա բացատրել է, որ եթե քաշը անընդհատ փոփոխվում է, կամ եթե կինը հետևում է խիստ դիետաների, ապա օրգանիզմում հորմոնների մակարդակը խախտվում է, և տուժում է միկրոֆլորան: Եվ դա, իր հերթին, ազդում է դաշտանային ցիկլի և ընդհանուր ինքնազգացողության վրա:

Անհրաժեշտ է քնել օրական առնվազն յոթից ութ ժամ, և արժե պառկել մինչև կեսգիշեր։ Այս ժամանակահատվածում է, որ օրգանիզմը արտադրում է հորմոններ, որոնք կարևոր են կանանց օրգանիզմի համար։

Աղբյուր` Փաստինֆո