Փաստ ինֆո

ՌԴ ԱԳՆ պաշտոնական ներկայացուցիչ Մարիա Զախարովան մեկնաբանել է Հայաստանի Անվտանգության խորհրդի քարտուղար Արմեն Գրիգորյանի խոսքերը։ Գրիգորյանն ասել էր, որ Ռուսաստանը «Լեռնային Ղարաբաղը վերցրել է հայերից և հանձնել Ադրբեջանին» այն պայմաններում, որ Հայաստանը լիովին կախված է Ռուսաստանի Դաշնությունից։

Զախարովան այս առնչությամբ ասել է. «Կարծում եմ, որ կան բաներ, որոնք անհնար է մեկնաբանել առանց բժշկական կրթություն ունենալու։ Ես հնարավորություն չունեմ հմտություններ կիրառելու այս ոլորտում, բայց այլ կերպ մոտենալն անհնար է:

Գլխավորն այլ է՝ այն, որ լինելով իշխանությունների ներկայացուցիչներ՝ նման գործիչները նվաստացնում են սեփական ժողովրդին։ ՀՀ քաղաքացիները պաշտպաել են իրենց տարածքները, կյանքեր տվել, ամենը պատմականորեն շատ կարևոր են համարել։ Հայաստանի՝ որպես պետություն գաղափարախոսությունը, երկար տարիներ հիմնվել է այս թեզերի վրա։

Չէ՞ որ մարդիկ արձագանքել են պետության, քաղաքական ու հասարակական գործիչների կոչերին։ Չէ՞ որ նրանք գիտեին, ինչի համար են գնում են մարտի, ինչի համար են իրենց բարեկեցությունը զոհում ու հանուն ինչի են իրենց կանանց ու երեխաներին դատապարտում այրիության ու որբության։ Եվ ինչպե՞ս կարելի է նրանց հիշատակը նման ցինիկ ձևով վաճառել»,-ասել է Զախարովան։

Աղբյուր` Փաստինֆո