Փաստ ինֆո

Մարուքյանը չէ, որ իր քաղաքական կենսագրությամբ կարող է մեղադրել շարժման առաջնորդներին, մասնավորապես Բագրատ սրբազանի այս կամ այն քայլը։ «Փաստինֆո»-ի հետ զրույցում ասաց քաղաքագետ Արա Պողոսյանը։ Նկատենք, որ Նիկոլ Փաշինյանի կառավարության՝ հատուկ հանձնարարությունների գծով Էդմոն Մարուքյանը երեկ Բագրատ Սրբազանին մեղադրել էր ՀՀ երրորդ նախագահի հետ կարճատեւ հանդիպում ունենալու համար՝ հայտարարելով, որ շարժումը «մատաղ է արվել Սերժ Սարգսյանին»։

Նկատենք, որ Սրբազանը հանդիպել է տարբեր գաղափարական հայացքներ ունեցող քաղաքական գործիչների հետ, որին, ի դեպ, ներկա է եղել նաեւ «Լուսավոր Հայաստանը» ու շարժմանը միանալու ինչ-որ պայմաններ դրել, այն է՝ նախկին նախագահին արգելել զբաղվել քաղաքականությամբ։

«Քաղաքականության մեջ նոր էջ չէ , որ նախկինում հակընդդեմ ուժերը ինչ-որ պահի կարող են ունենալ ընդհանուր շահեր եւ համագործակցեն, բայց սա մի կողմ, խոսենք Մարուքյանի այդ քայլի ըստ տրամաբանության բարոյական կողմի մասին։ Կա խնդրի բարոյական ու քաղաքական կողմը»,- նշեց Արա Պողոսյանը։

Քաղաքագետը հարց բարձրացրեց՝ արդյոք 2020 թվականի պատերազմից հետո այս իշխանությանը սատարող հատուկ հանձրարարություններով դեսպանի պաշտոնն ընդունած անձը պետք է այսպիսի տիրույթում սկսի դիրքավորվել, պայմաններ առաջադրել։ «Խնդին այն չէ՝ ես համաձա՞յն եմ շարժման լիդերների ծրագրերի հետ, թե ոչ, այլ խնդիրը այստեղ կոնկրետ անձի կողմից առաջ քաշվող խոսույթի բարոյական կողմի մասին է և ես, կարծում եմ, համենայն դեպս պարոն Մարուքյանը չէ , որ իր «անբասիր քաղաքական կենսագրությամբ» կարող է մեղադրել շարժման առաջնորդներին, մասնավորապես՝ Բագրատ սրբազանի այս կամ այն քայլը, այս կամ այն ուժի կամ անհատի հետ համագործակցելու կամ չհամագործակցելու համար»,- նշել է մեր զրուցակիցը՝ ավելացնելով, որ «լայն իմաստով, ի վերջո, հենց քաղաքական դերակատարների չգոյությունն է, որ ստիպել է եկեղեցականին, հոգևոր սպասավորին՝ իր վրա վերցնել նման պատասխանատվություն»։

Ա. Պողոսյանի արձանագրմամբ՝ սա պետք է անեին քաղաքական դերակատրները, քաղաքական կուսակցությունները, բայց վակուումը այնքան խորն է մեր երկրում, որ եկեղեցու սպասավորը ստիպված էր այսպիսի առաքելություն ստանձնել։ «Վստահ եմ, որ սիպված էր։ Որևէ մեկը մեծ երազանքով չէր ընդունի այս առաքելությունը և պատասխանատվությունը՝ դառնալ թիրախավորւման ենթակա անձ, նաև թիրախավորման առարկա դերձնել իր շրջապատին ու մերձավորներին», - ասաց քաղաքագետը։

Ըստ նրա՝ սա իրապես մեծ պատասխանատվություն է և քաղաքական դերակատարները պետք է սա գնահատեն, որ իրենց չարած գործերի, իրենց կողմից քաղաքական դաշտը ամայացնելու արդյունքում է, որ Բագրատ սրբազանը ստանձնել է այսպիսի առաքելություն։ «Ժողովրդական լեզվով ասած՝ լավ օրից չէ, որ եկեղեցականն իր վրա այսպիսի առաքելություն է վերցրել», - արձանագրել է Արա Պողոսյանը։

Աղբյուր` Փաստինֆո