Փաստ ինֆո

Զենքի ձեռքբերմանը զուգահեռ՝ պետք է այնպիսի դիվանագիտական ջանքեր գործադրվեն, որպեսզի մեր սպառազինություն ձեռք բերելը Ադրբեջանի մոտ չառաջացնի Հայաստանին «կանխարգելիչ» հարված հասցնելու գայթակղություն։ Իմ մտահոգությունը սրա հետ է կապված։ Այս մասին «Փաստինֆոյի» հետ զրույցում ասաց քաղաքագետ Սուրեն Սուրենյանցը՝ անդրադառնալով Հայաստանին ֆրանսիական CAESAR հրետանային համակարգի մատակարարման համաձայնագրին Բաքվի արձագանքին։

Միաժամանակ, նա ընդգծեց, որ ողջունում է ՀՀ-ի՝ սպառազինության ձեռքբերման դիվերսիֆիկացիան, տարբեր աղբյուրներից զենք ձեռք բերելու հանգամանքը, քանի որ յուրքանչյուր երկիր, այդ թվում՝ Հայաստանը սպառազինվելու իրավունք ունի։

«Ես կարծում եմ, որ միաժամանակ պետք է դիվանագիտական ջանքեր գործադրվեն, որ, այսպես ասած, Ադրբեջանի ձեռքը բռնող լինի և մեր այդ ջանքերը՝ սպառազինոթյուն ձեռք բերելու, Ադրբեջանի մոտ չառաջացնի «կանխարգելիչ» հարված հասցնելու գայթակղություն։ Գիտեք, եթե օրինակ, բանակցային գործընթացը միջնորդներ ունենար, եթե մենք ապաշնորհ դիվանագիտություն չունենայինք, ապա այդ խնդիրը կարելի էր շատ հեշտ լուծել, հատկապես որ Հայաստանն հավաստիացնում է, որ սպառազինություն է ձեռք բերում պաշտպանական նպատակով։ Այսինքն, հարձակվելու մտադրություն չունի ու դա բորորի համար էլ կարծես թե հասկանալի է, բայց քանի որ հայ- ադրբեջանական գործընթացը միջնորդներ չունի, ցավոք, ես չեմ տեսնում այն ձեռքը, որ զսպելու է Ադրբեջանին, մինչդեռ Ադրբեջանը բացահայտորեն առիթներ է փնտրում՝ խաղաղության գործընթացը վիժեցնելու համար»,-ասաց Սուրենյանցն՝ ընդգծելով, որ այսօր 2 հայտարարություն է հնչել Բաքվից, որոնցից մեկը CAESAR համակարգերի ձեռքբերման դեմ, մյուսը՝ սահմանադրությունը փոխելու պահանջով։

Սուրենյանցի դիտարկմամբ՝ ակնհայտ է, որ Բաքվում բոլոր մտացածին հիմքերը ստեղծվում են՝ խաղաղության պայմանագրի գործընթացը վիժեցնելու համար։

«Ադրբեջանին առիթ է պետք, որովհետև իրենք շատ լավ հասկանում են, որ անգամ եթե այդ համակարգերը հասնեն Հայաստան՝ սպառազինության անհավասակշռությունն այնքան մեծ է, որ Հայաստանը պատերազմ սկսելու հնարավորություն անգամ չունի։

Մեկ սա են ասում, մեկ սահմանադրություն փոխելու պահանջ են դնում... դժվար չէ կանխատեսելը, որ իրենք ժամանակ են ձգում։ Այս ընթացքում իրենք որևէ փաստաթուղթ մտադիր չեն ստորագրել մինչև «COP 29» գագաթնաժողովը կհյուրընկալեն, որից հետո արդեն շատ ավելի ագրեսիվ քաղաքականություն կվարեն»։

Անդրադառնալով ՌԴ արձագանքին, թե Փարիզը CAESAR-ի մատակարարման պայմանագրով Հարավային Կովկասում հրահրում է զինված առճակատման հերթական փուլը՝ Սուրենյանցն ասաց, որ սա կանխատեսելի էր, քանի որ Ռուսաստանը խանդով է վերաբերվում Հայաստանի սպառազինության ձեռքբերման դիվերսիդիկացիային։ «Հենց դրա համար էի պարբերաբար պնդում, որ արևմուտքի հետ մեր հարաբերությունները պետք չէ կառուցել հակառուսականության հիմքով։ Այսինքն, կարելի է շատ լավ հարաբերություններ պահպանել ՌԴ-ի հետ, միաժամանակ սպառազինություն ձեռք բերել Հնդկաստանից, Ֆիանսիայից։

Առաջին պատերազմի ժամանակ ՀՀ իշխանությունը հենց այդպես էլ արել է, բոլոր կենտրոնների հետ ուներ հրաշալի հարաբերություններ և յուրաքանչյուրի հետ կառուցում էր այն օրակարգով հարաբերություններ, որը մեր երկրին պետք էր։ Սրա համար էի ես պարբերաբար շեշտում, որ արևմուտքի հետ մեր հարաբերությունները անհրաժեշտություն են, բայց դրանք չի կարելի կառուցել հակառուսականության հիմքով»։

Աղբյուր` Փաստինֆո