Փաստ ինֆո

Սահմանազատման գործընթացը հանրաքվեի դնելը պրիմիտիվ քաղաքական հնարք է սուտասան կապիտուլյանտի կողմից՝ դավաճանական քայլերը ծածկելու համար։ Այս մասին «Փաստինֆո»-ի հետ զրույցում ասաց պահեստազորի գնդապետ Վոլոդյա Հովհաննիսյանն՝ անդրադառնալով Նիկոլ Փաշինյանի Սյունիքում հնչեցրած հայտարարությանն առ այն, որ եթե սահմանազատման արդյունքում լինեն մեծ հատվածներ, որոնք վերադարձնելու կամ փոխանակելու խնդիր լինի, ապա այդ հարցը հանրաքվեի կդրվի։

«Դրանով Փաշինյանը փորձում է ապացուցել, որ այն 72 սեփականության վկայականները, որ ունեն Կիրանցի, Ոսկեպարի, Բաղանիսի բնակիչները և դրանք անցել են թուրքին, անօրինական են, որ ՀՀ ինքնիշխան տարածքից հող չի հանձնել։ Դա ընդամենը քաղաքական հնարք է, որպեսզի իշխանափոխությունից հետո ինքը դատարանի առաջ չկանգնի։

Հիմա Հայաստանի Հանրապետության ոչ մի կառույց, ոչ մի իշխանական թև ոչ մի իրավունք ու պարտականություն չունի, մենք բոլորս գերի ենք հոգեկան հիվանդ Նիկոլ Փաշինյանի որոշումների ձեռքում, այնպես որ՝ մտածել, որ մենք ԱԺ ունենք, նախագահ ունեք՝ շռայլություն է։ Մենք ոչինչ չունենք, բացի վախեցած, օտարերկրյա փողերով և ուժերով պահվող Նիկոլ Փաշինյանի անձնական ոչ ազգային, ոչ պետական մոտեցումներից»,- նշել է գնդապետը։

Դիտարկմանը, թե արդյոք ընդդիմության մանդատները վայր դնելու հարցը օրակարգ չի բերվում հենց այն բանի համար, որ հանրաքվեի ընթացքում ձևավորված ընտրական տեղամասերում ընդդիմությունը վերահսկողության որևէ լծակ չունենա՝ Հովհաննիսյանկ նշեց, որ 2021 թ-ին տեղի ունեցած ընտրությունները կեղծվեցին և իշխանությունը ներկայացրեց այն թիվը, որն իրեն պետք էր։ «Միջազգային դիտորդներն էլ աչք փակեցին այնպես, ինչպես Ազգային ժողովի մոտ, երբ ցուցարարների նկատմամբ օգտագործվեց «Զարյա 3», որն աշխարհում արգելվում է օգտագործել ցուցարարների դեմ։ Այն օգտագործվում է զինված խմբավորումների դեմ, սակայն ԱՄՆ դեսպանատունը հայտարարեց, որ մեղավոր են ցուցարարները։ Հասկանո՞ւմ եք, իրենց պետք է այս երկիրը կործանել, ոչնչացնել, միայն մեկ նպատակով, որ Ռուսաստանին այստեղից հեռացնեն։ Սա ճիշտ է, թե սխալ՝ այլ հարց է, բայց հիմա ամեն բան արվում է Նիկոլին պահելու պաշտպանելու և Նիկոլով Հայաստանը վերջնականապես կործանելու համար։

Հիմա էլ ոչ ոք չի խոսում Արցախը հանձնելու մասին, չի խոսում 5000 զոհի մասին, 250 տանկի մասին, որ տվել է թուրքին, անընդհատ անկումներ ապահովելով՝ մեր ազգին տանում են կործանման։ Անկումներից մեկն էլ հողերի հանձնումն է»,- նշել է գործիչը։

Ինչ մնում է Սյունիք կատարած այցին, ապա գնդապետը հրապարակային հարց բարձրացրեց, «ուզում եմ հարցնել՝ ոչ մի սյունեցի, ում հողերը հանձնել են՝ չհարցրեց Նիկոլ, բա մեր հողերը տվել ես, ի՞նչ ես ստացել, չեն հարցրել, որովհետև ավտոբուսներով շրջում են, ՔՊ-ականների ազգականներին ընտրում են, նրանց համար գրում են, թե ինչ իրենք պետք է ասեն Նիկոլին՝ տեսախցիկների դիմաց։ Ընտրում են մոտ 20 հոգու, մասովկա են ապահովում։ Ասում են՝ Ծավում դպրոց են կառուցելու, որ հարևան գյուղերից էլ երեխաները գան այդ դպրոց՝ սովորելու, բայց ոչ ոք չի ասում, որ Նիկոլի օրոք շրջակա 5 գյուղերի դպրոցներն արդեն փակ են։ Մի քանի գյուղացու ոգևորել են, փող են տվել, օրինակ, մեկին 100 000 փող են տվել, որպեսզի Փաշինյանին ասի՝ «թագավոր»։

«Լավ այդ գուղացիները Նիկոլի հետ ոչ մի հարց չունե՞ն»,- նկատում է Վլ. Հովհաննիսյանն ու ինքն էլ արձագանքում՝ ունեն, ուղղակի ունեցողներին 300 մետրից մոտ չեն թողել, որ որևէ մեկի ձայնը չլսվի։ Գիտե՞ք, որքան են այս այցի ընթացքում մարդիկ բղավել «դավաճան», «հողատու»։ Այնպես են արել, որ չլսվի։ Այնպես որ՝ ԱԺ-ն էլ, Ժողովուրդն էլ շիզոֆրենիկի ձեռքն պատանդ են ընկած։ Մեզ մնում է սպասել, թե երբ թուրքը վերջնականապես մեզ կտանի կործանման»։

Աղբյուր` Փաստինֆո