Փաստ ինֆո

Տեւական ժամանակ է, ինչ նիկոլական իշխանությունը տարբեր ձեւերով հարձակվում է ՀՅԴ-ի վրա, ընդ որում՝ տարբեր ժամանակներում օգտագործելով տարբեր մեթոդներ, բայց ձռագիրը նույնն է՝ կեղծիքի, ստի, քաղաքական հալածանքների միջոցով փորձելով ներկայացնել մեղադրանքներ։ Այսօր տեղի ունեցած մամուլի ասուլիսում ասել է ՀՀ ԱԺ «Հայաստան» խմբակցության քարտուղար Արծվիկ Մինասյանը։

Ըստ նրա՝ եթե 2022 թվականին իշխանության ճնշումների տեղատարափի տակ էր ՀՅԴ-ի Արմավիրի տարածքային կառույցը, 2023թ.-ին՝ Արարատի, Տավուշի կառույցները, ապա հիմա արդեն՝ Վայոց ձորի մարզային կառույցը։

«Տեղյակ եք, որ իրականացվել են մասշտաբային ապօրինի գործղույուններ՝ խուզարկություններ, ձերբակալություններ։ Այս պահին նաեւ նիկոլական քննչական համարկարգի ու իրենց հսկողության տակ գտնվող դատարանների կողմից կայացվել է 5 կալանքի որոշում, ընդ որում՝ բոլոր դեպքերում էլ արգելվել են տեսակցությունները»,- հայտնել է Ա. Մինասյանը։

Նրա փոխանցմամբ՝ այս պահին 5 անձի նկատմամբ որպես խափանման միջոց է ընտրվել կալանավորումը, որից 4-ը՝ երկու ամսով, 1-ը՝ 1 ամսով։ Եւս երեք անձի նկատմամբ կիրառվել է տնային կալանք, 1-ի նկատմամբ գրավ, եւս մեկի նկատմամբ չբացակայելու մասին ստորագրությունը

«Վերջին 2-3 օրը հիշեցնում էր բոլշևիկյան ժամանակաշրջանի առաջին փուլը, երբ հոգեբանական ճնշումներով ուզում էին կորզել ինչ-որ բաներ որոնք չէին էլ կարող, որովհետեւ չկար»,- նշել է Ա. Մինասյանը՝ ավելացնելով, որ քննչական մարմինները լծված են «փաստեր» գտնելու գործին՝ հիմնավորելով ԱԺ ամիբիոնից Նիկոլ Փաշինյանի հրապարակավ հնչեցրած մտացածին մեղադրանքները։

Մանրամասները՝ տեսանյութում։

Աղբյուր` Փաստինֆո