Փաստ ինֆո

ՀՀ ԱԺ «Հայաստան» խմբակցության պատգամավորներ Գեղամ Մանուկյանն ու Զեմֆիրա Միզոևան «Արմավիր» քրեակատարողական հիմնարկում հանդիպել «Սրբազան պայքարին» մասնակցելու համար վերջին օրերին կալանավորված քաղաքացիներին։

Գ. Մանուկյանի փոխանցմամբ՝ նրանցից շատերն առաջին իսկ կանչով ներկայացել էին քննչական մարմիննր, որոշներն անգամ ինքնակամ էին ներկայացել՝ չսպասելով ծանուցման, սակայն, այդուհանդերձ, նրանց նկատմամբ որպես խափանման միջոց կալանավորումն ընտրելու մասին որոշում է կայացվել։

Ընդդիմադիր պատգամավորը վստահեցրեց, որ կալանքի տակ գտնվող քաղաքացիները ոչ ոք չի զղջացել, որ միացել է « Սրբազան պայքարին», բոլորը վստահեցրել են, որ անազատությունից դուրս գալուց հետո նորից լինելու են պայքարի շարքերում։

«Ուզում եմ հասկանալ այն քննիչի ու դատավորի տրամաբանությունը, ովքեր կալանք են տվել Նարեկ Պետրոսյանին՝ 1,5 տարեկան Մոնթեի հորը, կալանք են տվել 6 երեխաների հայր Կառմեն Մնացականյանին, ով երկու անգամ հայրենիք է կորցրել, ի՞նչ են մտածել Էդգար Յուխանաևին, որը 3 անչափահաս երեխաների հայր է, կալանք տալով։ Չեք մտածել, որ այդ մարդը գյուղացի է, հող է մշակում, լոլիկի դաշտ ունի և այս երկու ամսվա նրա աշխատանքով այդ ընտանիքը մեկ տարի պետք է ապրեր»,- ասել է Գեղամ Մանուկյանը։

Ֆեյսբուքյան ուղիղ եթերում Գ. Մանուկյանն անդրարաձել է առանց ամրագոտու մեքենա վարելու մասին իշխանական լրատվամիջոցների, մասնավորապես «Հայկական ժամանակ»-ի մեղադրանքներին։ «Նիկոլի թերթը շարունակում է նիկոլականություն անել, « Հայկական ժամանակ», ես մեքենա չեմ վարել երբեք, եթե տեսնում եք աջ կողմում եմ նստած, ուրեմն մեքենան է ձախ ղեկով։ Եթե ուզում եք երթևեկության կանոնների խախտում հայտնաբերել, ապա ավելի լավ կլինի ձեր գլխավոր խմբագրի՝ հարկատուների հաշվին միլիոնավոր դոլարներով գնված ջիպերի «պլյոնկեքը» նկարեք»,- ասել է Մանուկյանը։

Աղբյուր` Փաստինֆո