Փաստ ինֆո

Ճակատենում ցույց եմ տվել Ոսկեպարի սահմանային ցանկապատը, Ճակատենի ժողովուրդն էլ, Ծավի ժողովուրդն էլ, բոլորն ասում են՝ մենք էլ ենք ուզում մեր մոտ սենց լինի։ Այս մասին Շինուհայրում չնախատեսված կանգառ կատարելու ընթացքում բնակիչների հետ զրույցում ասել է վարչապետ Նիկոլ Փաշինյանը։

«Բնական է, որ ուզում են, որովհետև նորմալ քաղաքակիրթ սահման է ու պետք է գնանք այդ ճանապարհով։ Այն տեղերը, որտեղ սահմանազատված չի՝ պիտի սահմանազատենք, որտեղ առաջ ենք՝ պիտի հետ գանք որտեղ իրենք են առաջ՝ իրենք պիտի հետ գնան, պետք է գիծը գծվի։ Եթե մեր կտորներ լինի՝ ենթադրենք 100 քկմ լինի՝ հանրաքվե պիտի անենք, դուք պիտի որոշեք՝ ուզո՞ւմ եք դա, թե չեք ուզում։ Մենք հիմա Ադրբեջանի հետ նոր սահման չենք գծում, վերականգնում ենք ոնց եղել է։ Կիրանցում մի քանի տների հետ խնդիր եղավ, բայց մենք չենք ուզում սկզբունքը քանդենք, որովհետև, եթե մի տեղ քանդես՝ դոմինոյի էֆոկտով սաղ տեղերը փլվելու է»։

Նա նշել է, որ գոյատևելու ու մաքառելու ժամանակն ավարտվել է, եկել է ապրելու ժամանակը։ «Ես իմ առաքելությունը դա եմ համարում։ Հիմա ասում են՝ սենց ես ասել, նենց ես ասել։ Այո, ասել եմ, բայց ոչ մեկ չի կարող ասել, որ ջանք չես գործադրել, որ ասածդ լինի, ամեն ինչ էլ արել եմ, անհնարինն էլ եմ արել, բայց մենք պիտի հետևություններ անենք։

Մեզ «ֆիթ» են տալիս կողքից, մեր բոլոր հարևանների հետ թշնամացնում են, որ մեր ձեռքով շագանակներ հանեն, հերիք եղավ, բոլ եղավ, մենք մեզ խելոք ժողովուրդ ենք համարում, ինչի թողնենք, որ մեզ օգտագործեն ուրիշների դեմ։ Ինչ անենք՝ չանենք, մեր հարևանն Իրանն է, Թուրքիան է, Վրաստանն է, Ադրբեջանն է, բա մենք մեր հարևանի հետ չկարողանանք հարց լուծել, գնանք ուրիշ տեղից մարդ բերենք՝ ասենք, եկեք մեր հարևանի հարցը լուծե՞ք, մենք կլուծենք մեր հարցը ու էս հարցում ինձ ձեր աջակցությունն է պետք։

Ասում է դավաճան... եթե ես իմանամ վատ բան եմ անում՝ ձեր աչքերի մեջ ո՞նց կնայեմ, համոզված եմ, որ ճիշտ բան եմ անում»։

Աղբյուր` Փաստինֆո