Փաստ ինֆո

Հյուսիս-հարավ մայրուղու Ագարակ-Քաջարան հատվածի շինարարությունը սկսված է։ Այս մասին հայտարարել է Փաշինյանը՝ կից հրապարակելով Սյունիք կատարած այցից տեսանյութերը։

Ըստ տեսանյութի՝ Փաշինյանը ներկա է եղել, զրուցել։ 

Սյունիքի մարզ այցի ընթացքում Փաշինյանը եղել է մի քանի բնակավայրերում։ Ներքին Հանդում Փաշինյանն անդրադարձել է խմելու ջրագծի հարցին՝ նշելով, թե դրա կառուցումն այժմ ընթացքի մեջ է։ Տանիքների խնդիրը կլուծվի առաջիկայում։

«Շատ ուրախ ենք, շատ շնորհակալ ենք, արի ճակատդ էլ մի հատ պաչեմ»,-ասաց բնակիչներից մեկը։

«Մեր հաջորդ քայլը հետևյալն է, սահմանազատում պետք է անենք։ Այ հիմա Ոսկեպարում սենց վիճակա՝ ցանկապատը քաշած, երկրի սահմանը հստակ, անվտանգությունն ապահովված, ոչ կով կանցնի, ոչ մարդ կանցնի, գիշերները մարդիկ հանգիստ քնեն։ Նույնն էլ պետք է ստեղ անենք, լուծումն էտա ժողովուրդ»,-ասաց Փաշինյանը։

Իսկ թե երբ կլինի, ասաց, որ դեռ պարզ չէ։ 

Հաջորդիվ Փաշինյանը եղել է Ծավում և ըստ նրա հրապարակած տեսանյութի՝ իրեն բնակիչները ջերմ դիմավորում են։

«Մեր սիրած ղեկավարն ես», «Մեր գյուղացիք քեզ ընտրած են, քեզ հավանած են», «Ամեն հարցում կողքիդ ենք»,-նշում են գյուղախցիները։

Աղբյուր` Փաստինֆո