Փաստ ինֆո

Ի զարմանս ամբողջ աշխարհի՝ մենք էլի համառորեն ուզում ենք ցեղասպանվել։ Այս մասին «Փաստինֆոյի» տաղավարում ասել է «Հայոց երկիր» ռազմավարական ծրագրի հիմնադիր-համակարգող, կառավարման փորձագետ Հարություն Մեսրոբյանը։

«Մեր աչքի առաջ կործանվում է Ուկրաինան, մեր մոտ լիքը «հայվան» կա՝ «հայի վանող», որը Ուկրաինայի գովքն է անում։ Մեր աչքի առաջ վերանում է այդ պետությունը, բոլորի ջանքերով, բայց առաջին հերթին իրենց անխելք քաղաքականության պատճառով»,- արձանագրել է փորձագետը։

Նա ընդգծեց, որ ինքը դեռ 2018 թ-ին ասում էր, որ այն խորովածները, որոնք ոգեշնչված սարքում էին Երևանի փողոցներում, Արցախի մատաղն է։ «Այն ժամանակ ինձ հետ վիճում էին։ Կա «թուրք» երևույթը, եթե իմ հետ վիճեցիք՝ թուրքը իր մտադրությունը կփոխի՞, չի փոխի։ Բազմադարյա հարևան ունեք, կյանքն ուրիշ բան է, կյանքը թղթով պայմանավորվել չի, կարո՞ղ եք գայլի հետ պայմանագիր կնքել, որ ինքը միս չուտի»,- արձանագրել է Մեսրոբյանը։

Նա նշեց, որ անդառնալիության կետին հասնելուն քիչ է մնացել։ «Դեռ չենք հասել, բայց անդառնալիության հոտը գալիս է արդեն։ Ես զարմանում եմ, անասթեզիայի տակ գտնվող ժողովուրդ ենք, էնպես էլ հավեսով բնակարաններ են կառուցում, հավեսով փող են ներդնում, գնում են այդ բնակարանները։ Էդ մարդիկ ընդհանրապես այդ կյանքի՞ց են։ Հայաստանի անվտանգության համակարգը տարեց տարի փլվում է, պատկերացնո՞ւմ եք նորմալ հավասարակշռած էսքան մարդ անվտանգության իմաստով երկարաժամկետ, այն է՝ բնակարանների համար գումար հատկացնի՞, բացատրեք, ոչ մի տնտեսագիտական գիրք սա չի կարող բացատրել»։

Մանրամասները՝ տեսանյութում.

Աղբյուր` Փաստինֆո