Փաստ ինֆո

«Հստակորեն կասեմ, որ Բագրատ Սրբազանը մի քանի անգամ կոչ է արել որևէ բան չնետել ոստիկանական շարքերի ուղղությամբ։ Բագրատ սրբազանը բազմիցս հայտարարել է, որ որևէ պետական շենք մտնելը բացարձակապես չի հետաքրքրում շարժման մասնակիցներին, նույնիսկ այդ օրը, դրա նախորդող օրերին, բազմիցս հայտարել է, որ շենքերը մեզ չեն հետաքրքրում, բառացի մեջբերում եմ անում Բագրատ սրբազանի ասածից», - խորհրդարանական ճեպազրույցների ժամանակ ասաց ՀՀ ԱԺ «Պատիվ ունեմ» խմբակցության ղեկավար Հայկ Մամիջանյանը։

Նրա փոխանցմամբ՝ ՔՊ ողջ քարոզչամեքենան լծվել է «սրբաժան» շարժման մասին սուտ քարոզչությանը։
«ՀՀԿ-ն, որպես ազգային կուսակցություն, միշտ կանգնած է եղել Հայ Առաքելական եկեղեցու , բանակի, մեր պետության կողքին, դա բազմից ենք ապացուցել գործով, մեր հիմնադիր հայրերը պատերազմի դաշտում, հետագայում՝ պետականաշինության գործում, այնպես որ նման մեղադրանք մեր հասցեին հնչեցնելն, իհարկե, ծիծաղելի է, բայց ես կվերադարձնեմ, Ռուբինյանին , իսկ ինքը ո՞նց է վերաբերվում նրան, որ իր հարազատ կուսակցությունը բազմիցս, թե՛ փողոցային գործողություններում, և թե՛ ընտրական գործընթացների ժամանակ օգտագործել է ՀՀ-ում գործող կրոնական աղանդների հնարավորությունները՝ քաղաքական նպատակների հասնելու համար։ Մենք երբեք Հայ Առաքելական եկեղեցին չենք օգտագործել որպես դիվիդենտ, այլ հակառակը՝ պաշտպանել ու պաշտպանելու ենք այն՝ անհայրենիք երևույթներից և գործողություններից» , - ասաց Մամիջանյանը։

Աղբյուր` Փաստինֆո