Փաստ ինֆո

Ոստիկանության ծառայողների միջեւ դժգոհություններ կան։ Այդ մասին այսօր լրագրողների հետ զրույցում ասել է ՀՀ ԱԺ «Հայաստան» խմբակցության պատգամավոր Գառնիկ Դանիելյանը։

«Աղմուկ էր, առաջացա, ոստիկանների մեջ կոնֆլիկ էր, տարբեր մարզերից բերված ոստիկանները դժգոհում էին, թե ինչի համար են իրենք բերվել այստեղ։ Ինձ տեսնելուն պես դադարեցրեցին»,- ասել է ՀՀ ԱԺ «Հայաստան» խմբակցության պատգամավոր Գառնիկ Դանիելյանը՝ ավելացնելով, որ ԱԺ-ի մոտ շրջելու դեպքում կտեսնեն, որ այստեղ են բերվել Սյունիքի , Շիրակի, Լուռու, Տավուշի, Գեղարքունիքի, Կոտայքի մարզերի ոստիկանության ծառայողներին, նաեւ քրեականի աշխատողներ, օպերատիվ աշխատակիցներ։

«Տեսնում եք ինչ իրավիճակ է, կրիմինագեն վիճակը ՀՀ-ում, երեկ սպանություն է տեղի ունեցել, գողություններ, սպանություններ, դե ի՞նչ կա, շարժումն է մեղավոր։ Էս մարդիկ ոստիկանական շենքերը դատարկել են և քարտուղարուհուց բռնած բերել են այստեղ»,- ասել է ընդդիմադիր պատգամավորն ու ավելացրել, որ փշալարարեը յուղել են, ջրցան մեքենաները տեղում են, Ֆրանսիայից բերված « Բաստիոն» տիպի մեքենաները, որոնք ասում են, որ մեր երկրի պաշտպանության համար է։
Բացի այդ՝ տեղեկություններ կան, որ պետական հիմնարկներում հրահանգվել է չմասնակցել հանրահավաքին, անգամ զգուշացրել, որ ընդհուպ հարազատների մասնակցության դեպքում աշխատանքը կկորցնեն։

Աղբյուր` Փաստինֆո