Փաստ ինֆո

2018-ի ապրիլի դրությամբ ԼՂ-ի հարցով ունեցել ենք մի իրադրութուն, որ մենք պետք է անխուսափելիորեն կամ գնայինք զիջումների ճանապարհով, կամ պատերազմի ճանապարհով, այն ժամանակ հարց եմ տվել՝ ասել եմ, լավ, անեմ այս զիջումը, հետո մյուսը, հետո էլի մյուսը, որտե՞ղ է կանգնելու այս իրավիճակը։

Այս մասին ԱԺ-ում կառավարության հետ հարցուպատասխանի ժամանակ ասաց ՀՀ վարչապետ Նիկոլ Փաշինյանն՝ անդրադառնալով «Հայաստան» խմբակցության պատգամավոր Մհեր Սահակյանի հարցին, թե պատկերացնո՞ւմ է այն գինը, որ ՀՀ և հայ մարդը պետք է վճարի այն խաղաղության համար, որն ինչպես Փաշինյանն է ասում՝ երաշխավորված չէ, ո՞րն է էն տեղը, որ հասկանալու եք՝ էլ չկա զիջելու։

«Հիմա ես այդ հարցի պատասխանը ունեմ, այդ հարցի պատասխանն է՝ ՀՀ 29 743 քառակուսի կիլոմետը»։

Նա ընդգծեց, որ ճիշտը նա կլիներ, որ ինքը այն ժամանակ ընդուներ դա և գար դռնփակ ռեժիմով ասեր, որ պետք է համաձայնել, որ ԼՂ-ի՝ Ադրբեջանի կազմում ինքնավարություն ունենալուն, այն տրամաբանությամբ, որ դա պետք է լինի ոչ միայն հայկական, այլև ադրբեջանական միավոր, համատեղ կառավարում պետք է լինի:

«Ես այն ժամանակ պետք է գայի ու այս մասին խոսեի, բայց ինքս ինձ այն ժամանակ չէի կարող համոզել դրանում, եթե ինձ համոզեի, ձեզ էլ կհամոզեի, բայց իմ լեզուն չէր պտտվի էն ժամանակ տենց բան ասեի: Եվ դա իմ ամենամեծ սխալն ու ձախողումն է: Պետական գործիչը պետք է հասկանար, որ այդ ամենը պետք է վերցնի իր վրա: Ես այսօր դրա համար եմ դա անում: Եթե ես իմ վրա չվերցնեմ, ուրիշ ոչ մեկը չի վերցնի: Իմ պարտքն է, որ վերցնեմ, որովհետև ես եմ վարչապետը»,-ասաց Փաշինյանը:

Աղբյուր` Փաստինֆո