Փաստ ինֆո

Սրբազան շարժման վճռական փուլին այն քայլերը պետք է հաջորդեն, որոնք իրավիճակի հանգուցալուծման կբերեն․ կա՛մ վարչապետի աթոռը զբաղեցնողի կողմից հրաժարական, կա՛մ հանրային այնպիսի ճնշում, որը, ի վերջո, կհանգեցնի ինքնակամ հրաժարականի։ «ՓաստԻնֆոյի» եթերում ասել է ՀՀ ԱԺ 7-րդ գումարման պատգամավոր, քաղաքական գործիչ Աննա Կոստանյանը։

Բանախոսի դիտարկմամբ, շարժումը իր էությամբ տարբերվում է բոլոր քաղաքական շարժումներից։ Քաղաքական գործիչները, տարբեր մասնագետներ և քաղաքացիները ակնկալում են տարբեր սցենարների քննարկման հնարավորություններ, սակայն շարժման առաջնորդությունը իր վրա է վերցրել հոգևորական, որը չի հաշտվում իրավիճակի հետ։ Սցենարները շատ տարբեր կարող են լինել։

Էական է Սրբազանի հայտարարած այն ժամկետը, որի շրջանակներում հասարակությունը պետք է հավաքվի Բաղրամյան պողոտայում և ճնշում գործադրի Խորհրդարանի վրա։ Ի վերջո, Հայաստանը Խորհրդարանական երկիր է, իսկ վարչապետն էլ ենթակա է Խորհրդարանին։

Ըստ բանախոսի, Ն․ Փաշինյանը կամովին հրաժարական չի տալու, հաշվի առնելով, թե տասնյակ տարիներ ինչպիսի ջանքեր են ներդրվել, որպեսզի իր նման մի կերպար հասնի այնտեղ, որտեղ ինքն է։

Ուստի, պետք է աշխատանքներ իրականացնել ոստիկանության աշխատակիցների հետ՝ փորձելով համակարգը ներսից քանդել։ Դժգոհություևններ կան՝ մարդիկ փողոցում ոտքի վրա ծառայություն են իրականացնում, շահագործվում են և դա իրական է։ Այդ դժգոհությունները կապիտալիզացնելու համար պետք է ոստիկանական համակարգի հետ աշխատանքներ տանել։ Նույնը կարելի է ասել նաև իշխանական պատգամավորների մասին։

Մանրամասները՝ տեսանյութում

Աղբյուր` Փաստինֆո