Փաստ ինֆո

Իմպիչմենտի համար բազմիցս ասվել է, որ 2 խմբակցությունների առկա 35 պատգամավորների մասով խնդիր չունենք։ Իշխան Զաքարյանն ասում է՝ գնացեք՝ 53 ձայն հավաքեք, այսինքն, ՔՊ-ից էլ 18 ձայն բերեք, համարեք, ես ձեզ կմիանամ։ Սա նշանակում է, որ Զաքարյանը պետք է բացատրի 35 ստորագրությանը միանո՞ւմ է։ Այս մասին ԱԺ-ում լրագրողների հետ զրույցում ասաց «Հայաստան» խմբակցության քարտուղար Արծվիկ Մինասյանը։

«Իմ գնահատմամբ, Զաքարյանի ասածն այն է, որ եթե հանրային ճնշման դեպքում կարողանաք ապահովել ՔՊ-ից որոշակի ստորագրություններ՝ կմիանա»։

Անդրադառնալով իմպիչմենտի գործընթացը նախաձեռնելուն՝ նա նշեց, որ իրենց խնդիրը ոչ թե պրոցես սկսելն է, այլ արդյունքն ապահովելը։

«Մենք բազմիցս ասել ենք, որ իմպիչմենտի գործընթացը տրամաբանական ավարտին կհասնի արդյունքի կանկախատեսելի սպասումով, այն է՝ Նիկոլ Փաշինյանի հեռացում, դրա համար էլի հանրային ճնշում է հարկավոր»։

Հարցին, թե կա արդյոք հանրային ճնշում՝ նա արձանագրեց, որ կա, սակայն բավարար չէ։

Դիտարկումներին՝ թե մանդատները վայր դրեք, նա պատասխանեց, որ այդպես Նիկոլի իշխանությանը հնարավորություն կտան վերարտադրվելու, քանի որ այդ դեպքում էլի նոր ընտրությունները կազմակերպելու է Փաշինյանը՝ մնալով ԺՊ։

«Միաժամանակ, այսօրվա ԸՕ –ի համաձայն ընտրական հանձնաժողովներում 8 անդամ է նշանակվում, որոնցից 4-ը նշանակում է խորհրդարանական ընդդիմությունը, միաժամանակ ընդդիմությունն ունեում է նախագահներ և քարտուղարներ։ ԵԹե խորհրդարանում չկա խմբակցություն՝ այս իրավունքները վերանում են, անցնում է ամբողջությամբ ընտրատարածքային հանձնաժողովներին, որոնք էլի ձևավորում են իշխանությունը։ Դուք ընդդիմությանը զրկում եք, առնվազն 50 տոկոս վերահսկելու հնարավորությունից»,-ասաց նա ընդգծելով, որ եթե ընդդիմությունը վայր դնի մանդատները՝ իշխանությունն էլ բարի կամք դրսևորի՝ կարող է ամբողջ ընտրական պրոցեսում միանձնա հսկել ընտրական գործընթացը։

Չնայած դրան՝ նա ընդգծեց, որ մանդատներ դնելու հարցն իրենց օրակարգում է, սակայն դա պետք է կիրառվի այն դեպքում, եթե արդյունքն ապահովված լինի։

«Իշխանությունն ասում է՝ մանդատները վայր դրեք՝ գնանք ընտրությունների, հարց չկա, թող իրենք էլ դնեն, ու Փաշինյանն հայտարարի, որ ինքը չի հավակնում ԺՊ լինելու, թող տեղակալներից որևէ մեկը լինի»,-ասաց նա։

Աղբյուր` Փաստինֆո