Փաստ ինֆո

Շատ կարևոր է, որ առաջիկա գործընթացները՝ թե վաղվա, թե հաջորդ օրվա՝ կարողանանք հասցնել իր տրամաբանական եզրահանգմանը։ Այս մասին լրագրողների հետ զարույցում ասաց Բագրատ արքեպիսկոպոս Գալստանյանը՝ քաղաքացիներին հրավիրելով վաղը՝ ժամը 15։00-ին հավաքվել Բաղրամյան պողոտայում։

«Սա մեկ անձի կամ ինչ-որ խմբի մասին չէ, սա մեր երկրի խորքային փոփոխության մասին է, բոլորին է վերաբերում, բոլոր նրանց, որոնք հասկանում են, որ գտնվում ենք աղետալի վիճակում, որի հաջորդ քայլը պարզապես անդունդից ընկնելն է»,- ասաց Բագրատ Սրբազանը։

Անդրադառնալով իշխանական պատգամավոր Վահագն Ալեքսանյանի հայտարարությանը, թե մի քանի ժամ է տալիս՝ ասելու, թե ֆինանսական մուտքերն ու ելքերը որտեղից շարժմանը՝ Սրբազանն աձագանքեց․ «Ով է դա, ինչ է, առհասարակ ինչ կերպար ունի։ Իրենք չկան, հասկանում եք, գոյություն չունեն։ Այս երկիրը 15 հոգու ձեռքում է կամ մեկ հոգու ձեռքում է, ում շուրջը գտնվող սև ասպետները փորձում են հասցնել իրենց չար նպատակների իրականացմանը։ Չկա, գոյություն չունի, եթե ասեք՝ ով է կամ ինչ է, կենսագրությունը ցույց կտաք և նաև կպահանջի այն մարդուց՝ ձեռքը կտրել սուտ խոսելու համար, կխոսեմ այդ ժամանակ։ Այդ մարդկանց ուղեղը չգիտեմ որտեղ է, իրենց ամբողջ ուղեղը դա է՝ փողը, ֆինանսը, դրանից չկտրվելը, հանկարծակի ինչ-որ տեղում պատահաբար հայտնվելը։ Իրենք չեն էլ կարող մտածել, թե ինչ իրավիճակի են հասցրել նրանք երկիրը, որ մարդիկ ստիպված են նորից դուրս գալ փողոցները»։

Նրա խոսքով՝ բարոյականության պակաս կա, եթե մարդը բարոյականություն ունենար, ապա 2020թ պետք է դուրս գար, ոչ թե՝ մարդիկ դուրս գային փողոց, հոգեբանական այս վիճակում լինեին։

Աղբյուր` Փաստինֆո