Փաստ ինֆո

Բազմահազարանոց հանրահավաք է տեղի ունեցել, որի ընթացքում մարդիկ ասել են, որ ուզում են կոնկրետ հարց քննարկվի ԱԺ-ում, դուք ձեզ «ժողովրդավարության բաստիոն» եք հռչակել, բա, ո՞ւր մնաց ձեր սերը ժողովրդի նկատմամբ։ Սառե՞լ է ձեր սերը։ Այս մասին ԱԺ-ում հայտարարեց «Հայաստան» խմբակցության պատգամավոր Արմեն Ռուստամյանը՝ հավելելով, որ ամեն ինչից շատ, ամեն ինչից վեր ՔՊ-ականները սիրում են աթոռը, սա է իրականությունը և սա արձանագրվելու է։

Ալեն Սիմոյանը հայտարարեց, որ Ռուստամն»յանի ժամանակը լրացել է ու կարգադրեց անջատել նրա խոսափողը, չնայած դրանք Ռուսամյանը շարունակեց իր ասելիքը ներկայացնել։

Սիմոնյան էլ հարցրեց, թե չի՞ ցանկանում՝ իջնել ամբիոնից ու շարունակեց նշելով. «Իմ համար ակնհայտ է, որ ասելիքի բացակայության պատճառով հիմա փորձ է կատարվում սադրանքներ իրականացնել ԱԺ նիստերի դահլիճում։ Զգուշացնում եմ՝ ձեր էդ հեգնական խոսքը, բովանդակության բացակայության պարագայում անհարգալից վերաբերմունքը....»

Սիմոնյանին արձագանքեց Սեյրան Օհանյանը՝ ասելով, թե «Ձեր խոսքերին հետևեք», ինչի ի պատասխան Սեմոնյանը ասաց, թե. «Պարոն Օհանյան, մի ընդհատեք, տեղից մի խոսեք... պարոն Օհանյան, զբաղվեք ձեր գործով, ինձ մի ասեք, թե ես ինչով զբաղվեմ, հերիք եղավ, բոլ եղավ, լռեք։ Սիրելի պատգամավորներ, չտրվեք սադրանքների, մարդիկ ասելիք չունեն, դատարկ է բովանդակությունը, փորձում են սադրանքներ կազմակերպել»։

Աղբյուր` Փաստինֆո